მარტის პირველი კვირის ამინდის პროგნოზი ბათუმში

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, უახლოეს დღეებში აჭარაში ცვალებადი მოღრუბლულობა და დროგამოშვებით წვიმაა მოსალოდნელი.

სინოპტიკოსების ცნობით, დღეს ღამით სანაპირო რაიონებში მოსალოდნელია წვიმა, მაღალ მთაში – თოვა. ხვალ, 6 მარტს კი, დღისით უმეტესად უნალექო ამინდს უნდა ველოდოთ.

ჰაერის ტემპერატურა სანაპირო რაიონებში დღისით 13-18 გრადუსი სითბო იქნება, ღამით კი – 5-10 გრადუსი.  იქროლებს ცვალებადი მიმართულების ქარი 10-15 მეტრი წამში.

მთაში დღისით – 5-10 გრადუსი სითბო, ღამით 0-5.

„7 მარტს მოსალოდნელია უმეტესად უნალექო ამინდი, 8-9 მარტს კი სანაპირო რაიონებში დროგამოშვებით იწვიმებს, მთაში ითოვებს,“ – უთხრეს „ბათუმელებს“ აჭარის რეგიონალურ ჰიდრომეტეოროლოგიურ ობსერვატორიაში.

ზღვის წყლის ტემპერატურა 8 გრადუსია, ზღვაზე ღელვა – 4 ბალი.

ამინდის უფრო გრძელვადიან პროგნოზს აქვეყნებს გარემოს ეროვნული სააგენტო. ერთი კვირის ამინდის პროგნოზში მითითებულია, რომ ბათუმში შაბათ-კვირასაც იწვიმებს, თუმცა ჰაერის ტემპერატურა დღისით 15-17 გრადუსი იქნება.