გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, უახლოეს დღეებში ბათუმში, ძირითადად, უნალექო ამინდია მოსალოდნელი.
„აჭარის სანაპირო რაიონებში მოსალოდნელია ცვალებადი მოღრუბლულობა უნალექოდ, იქროლებს ცვალებადი მიმართულების ქარი 10-15 მეტრი წამში.
სანაპირო რაიონებში ტემპერატურა დღისით 8-13, ღამით კი 2-7 გრადუსი იქნება.
მთაში დღისით მოსალოდნელია 1-6 გრადუსი სითბო, ღამით – 0-5 გრადუსი ყინვა.
10 თებერვალს ღამით მოსალოდნელია დროგამოშვებით წვიმა, მაღალ მთაში თოვა, თუმცა მომდევნო ორ დღეს მოსალოდნელია უმეტესად უნალექო ამინდი,“ – განაცხადეს აჭარის რეგიონალურ ჰიდრომეტეოროლოგიურ ობსერვატორიაში.
ზღვის წყლის ტემპერატურა ამ დროისათვის 8 გრადუსია.
მთავარი ფოტო: სულხან სალაძე