უახლოესი დღეების ამინდი: ბათუმში მოსალოდნელია თოვლ-ჭყაპი

ბათუმში იანვრის თბილი დღეების შემდეგ ამინდი ხვალიდან შეიცვლება.

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, ხვალ ბათუმსა და აჭარის სანაპირო რაიონებში იწვიმებს, გაძლიერდება დასავლეთის მიმართულების ქარი, ჰაერის ტემპერატურა დღისით 5-10 გრადუსი, ღამით კი 1-6 გრადუსი იქნება.

მომდევნო ორი დღის განმავლობაში ბათუმში ნალექიანი ამინდი შენარჩუნდება, მოსალოდნელია თოვლ-ჭყაპი.

უახლოეს დღეებში აჭარის მთიანეთში თოვაა მოსალოდნელი, დღისით – ზოგან ძლიერი. ჰაერის ტემპერატურა დღისით 2 გრადუსი სითბო – სამი გრადუსი ყინვაა მოსალოდნელი, ღამით კი -1-2 გრადუსი ყინვა.

მთავარი ფოტო: „ბათუმელები“/მანანა ქველიაშვილი