წელსაც, ისევე როგორც ყოველთვის, ძალიან ცივა ჩრდილოეთ ამერიკის აღმოსავლეთით. ზამთრის ტურიზმის მოყვარული, მამაცი ტურისტების ინსტაგრამის ფოტოებზე ნიაგარას გაყინული ჩანჩქერი ჩანს.
როცა ტემპერატურა ნულზე დაბალია ყველაფერი იყინება და ნიაგარაზე ზამთრის ეს პერიოდი ყველაზე შთამბეჭდავია. ამიტომაც არ იგრძნობა ყინვაშიც კი უდიდეს ჩანჩქერზე ტურისტების ნაკლებობა. აქ ტემპერატურა -8 სა და -20 გრადუსს შორის მერყეობს, თუმცა მსგავს ყინვასაც კი არ შეუძლია წყლის უზარმაზარი ნაკადის სრულად შეჩერება: ყოველწამიერად ნიაგარაზე 3100 ტონა წყალი ეშვება 52 მეტრი სიმაღლიდან. გაყინულია ჩანჩქერის შედარებით ნელი დინებები, მცირე სიმაღლიდან დაშვებული წყლის ნაკადები და ყველაფერი, რაც უზარმაზარ შეუჩერებელ წყალვარდნილს აკრავს ირგვლივ.