ბათუმის საბავშვო ბაღების გაერთიანების ხელმძღვანელმა, ნატალია ზაქარეიშვილმა, თანამდებობა დატოვა. „ბათუმელებთან“ საუბარში მან განაცხადა, რომ სამსახურიდან წასვლა მერიაში მიმდინარე რეორგანიზაციას უკავშირდება.
ზაქარეიშვილი ამბობს, რომ მუშაობას ისევ საჯარო სამსახურში გააგრძელებს: „მუშაობას გავაგრძელებ განათლების ან კულტურის მიმართულებით.“ თუმცა ის არ აკონკრეტებს, რომელ საჯარო უწყებაში დასაქმდება.
ბაღების გაერთიანების ხელმძღვანელის თანამდებობას კი მამუკა შამილიშვილი დაიკავებს, რომელიც ამავე სამსახურში მოადგილე იყო და ფინანსურ საკითხებს კურირებდა.