„ბათუმელების“ ინფორმაციით, სამედიცინო კლინიკა „მედინაში“ სამი დღის წინ უგონო მდგომარეობაში შეიყვანეს 30-32 წლამდე მამაკაცი, რომელსაც თავზე გაუკეთდა ოპერაცია. მამაკაცს ავტომანქანა დაეჯახა.
„მამაკაცს პატრონობს ის ადამიანი, ვინც დაეჯახა. ცოტა ხნის წინ იყვნენ პროკურატურიდანაც. არ ვიცით მამაკაცი ვინ არის, არ ჰქონდა არავითარი მაიდინტიფიცირებელი დოკუმენტი“, – უთხრა „ბათუმელებს“ ინფორმირებულმა ადამიანებმა.
წყაროს ინფორმაციით, პაციენტი უკვე მესამე ღამეა კომატოზურ მდგომარეობაშია და დღევანდელი მონაცემებით მდგომარეობა კიდევ უფრო დამძიმებულია.
„ისიც კი არ ვიცით ქართველია თუ სხვა ეროვნების. „ზაჟიგალკის“ მეტი არაფერი ჰქონდა ჯიბეში“, – ამბობს კლინიკის თანამშრომელი.
შს სამინისტროს ინფორმაციით, „გამოძიება დაწყებულია სისხლის სამართლის კოდექსის 276-ე მუხლის პირველი ნაწილით. დაშავებულის ვინაობა დაუდგენელია და დაგზავნილია ორიენტირები მთელი საქართველოს მასშტაბით“.