ბათუმის სასწრაფო სამედიცინო სამსახურის ინფორმაციით, სასტუმრო ლეოგრანდში ხანძრის შედეგად ამ დროისთვის ოთხი ადამიანია დაღუპული. გარდაცვლილები ჯერჯერობით არ არიან იდენტიფიცირებულები.
ჯანდაცვის სამინისტროს ინფორმაციით, ამ დროისთვის შვიდი ადამიანია საავადმყოფოში გადაყვანილი.
სასტუმრო ლეოგრანდში ხანძარი დღეს, რამდენიმე საათის წინ გაჩნდა. სასტუმრო 182-ნომრიანია, მასში ასევე საპრეზიდენტო აპარტამენტები, საკონფერენციო დარბაზები, რესტორანი, კლუბი, კაზინო და სპა ცენტრია განთავსებული.