ნიუ იორკის კინოფესტივალზე ვუდი ალენის ახალი ფილმის Wonder Wheel-ის პრემიერა გაიმართა. ფილმის სიუჟეტი 50-იანი წლების ნიუ იორკში, ლონგ-აილენდზე ვითარდება. გასართობი პარკის კარუსელების მფლობელის ცოლი, ჯინი, კაფეს ოფიციანტად მუშაობს. მისი ოცნება – კინომსახიობად იქცეს, დიდი ხნის დასამარებულია. ბეზრდება მეუღლე, შვილი და ოფიციანტის ყოველდღიური რუტინა. ჯინის საიდუმლო კავშირი აქვს მიკისთან, ახალგაზრდა მაშველთან, რამელიც მალევე უყვარდება. ყველაფერი რთულდება, როცა ჯინის მეუღლის ქალიშვილი, ბანდიტი ქმრისგან გამოქცეული კაროლინი ნიუ იორკში ჩადის და მიკისთან იწყებს ფლირტს.
ფილმში მთავარ როლებს ქეით უინსლეტი, ჯასტინ ტიმბერლეიკი, ჯუნო ტემპლი და ჯეიმს ბელუში ასრულებენ. ფილმის ბიუჯეტი 25 მილიონი დოლარია. 82 წლის ვუდი ალენის ახალი კინოსურათი მის დაბადების დღეს, 1-ელ დეკემბერს გამოვა მსოფლიო კინოეკრანებზე.
ფოტოები: woodyallenpages.com