რუსეთის სახელმწიფო დუმის სპიკერი, ვიაჩესლავ ვოლოდინი დეპუტატებს სთავაზობს, უკრაინაში მიმდინარე სამხედრო მოქმედებების განხილვა გასაიდუმლოვდეს და მხოლოდ დახურულ რეჟიმში გაიმართოს, რათა „ზიანი არ მიადგეს რუსეთის არმიას.“
„საჯაროობა გვინდა? გვინდა საკუთარი აზრის გამოთქმა? მაგრამ ეს სამხედრო ოპერაციაა. ასეთ შემთხვევებში სხვა წესები მოქმედებს, მოდი, აქედან ამოვიდეთ”, – განაცხადა მან და დასძინა, რომ ღია განხილვამ შეიძლება „ზიანი მოიტანოს“.
ვოლოდინმა ასევე მოუწოდა დეპუტატებს, იფიქრონ რუს სამხედროებზე და რუსეთის უსაფრთხოებაზე.
ამ ინიციატივით ვოლოდინი მას შემდეგ გამოვიდა, რაც სოციალურ ქსელებში რუსეთის მოქალაქეებმა მასობრივად დაიწყეს რუსი სამხედროები კრიტიკა იმის გამო, რომ უკრაინელთა კონტრშეტევისას მათ ხარკოვის ოლქიდან უკან დაიხიეს.
ბოლო რამდენიმე დღის განმავლობაში უკრაინის ძალებმა რუსების მიერ ოკუპირებული თითქმის მთელი ოლქი გაათავისუფლეს და რუსეთის საზღვრამდე მივიდნენ. ანალიტიკოსები ამას ომის დაწყების შემდეგ რუსეთის ყველაზე დიდ მარცხად აფასებენ.
მთავარ ფოტოზე: ვიაჩესლავ ვოლოდინი/ფოტო: duma.gov.ru
