Batumelebi | ლევან ვარშალომიძე აჭარის მთავრობის თავმჯდომარედ ლევან ვარშალომიძე აჭარის მთავრობის თავმჯდომარედ – Batumelebi
RU | GE  

ლევან ვარშალომიძე აჭარის მთავრობის თავმჯდომარედ

ძვირფასო ამომრჩეველო!

ხვალ ჩვენს ქვეყანაში საპარლამენტო და აჭარის უმაღლესი საბჭოს არჩევნების დღეა.

ეს დღე არსებითად განსაზღვრავს მთელი ქვეყნისა და ჩვენი რეგიონის მომავალს!

განსაზღვრავს თითოეული თქვენგანის ბედს!

თქვენი ხმა გადაწყვეტს რა გზით უნდა იაროს ქვეყანამ და როგორ პირობებში უნდა იცხოვროს თქვენმა ოჯახმა!

მე ვიცი, რომ აჭარის მოსახლეობა გამოირჩევა განსაკუთრებული პატივითა და ღირსებით. ისინი იმსახურებენ უკეთეს ცხოვრებას, უკეთეს პირობებს, ხელისუფლების მკაფიო მხარდაჭერას და არა უყურადღებობას, კაბინეტებში დამალულ მთავრობას!

ჩვენ უნდა ვიაროთ წინ – უკეთესი მომავლისკენ!

სწორედ ამიტომ, ჩვენ ვიბრძვით გამარჯვებისთვის!

ვიბრძვით იმისთვის, რომ ავამუშაოთ აჭარა!

ჩვენ გვაქვს ეკონომიკის გაძლიერების კონკრეტული გეგმა, უამრავი ინფრასტრუქტული და საინვესტიციო პროექტი, რომლებიც დაიწყება ჩვენს რეგიონში და მოიტანს ათასობით დამატებით სამუშაო ადგილს, გაზრდის ტურისტების რაოდენობას!

ჩვენ ვიცით განათლებული თაობის ფასი, სწორედ ამიტომ, ბათუმი გახდება საერთაშორისო მნიშვნელობის საუნივერსიტეტო ქალაქი. ჩვენ ვიცით გლეხის შრომის ფასი, ამიტომ გთავაზობთ სოფლის მეურნეობის და კონკრეტულად, ციტრუსის უალტერნატივო პროგრამას!

სოციალურად დაუცველთათვის ჩვენ გთავაზობთ პროგრამას, რომელიც მინიმუმადე დაიყვანს ყოველდღიურ გაჭირვებას!

,,სოციალური სახლების“ პროგრამა ნიშნავს, რომ გქონდეს საკუთარი ჭერი!

ყველა ამ დაპირების შესრულებით, თითოეული თქვენგანი იგრძნობს საკუთარი ოჯახების გაზრდილ და სტაბილურ შემოსავალს!

მე მჯერა თქვენი, მჯერა თქვენი გონიერების, რომ მხარს დაუჭერთ წინსვლას, განვითარებას და თქვენი შვილების ნათელ, წარმატებულ მომავალს!

მე მჯერა, რომ 8 ოქტომბერს ერთად დავასრულებთ 4-წლიან დაპაუზებას!

ერთად დავამარცხებთ უპატრონობის განცდას აჭარაში და ერთად გავიმარჯვებთ!

lv 300X250

ნეტგაზეთის მასალების სხვა გამოცემებში გადაბეჭდვის წესი
ავტორი