ანტიკური თეატრი, პინკ მარტინი / Theatre Antique Pink Martini

ჯაზი და ევროლიბერალიზაცია

ავტორი: ირმა ინარიძე

ფოტო: გია გოგატიშვილი

„ჯაზი ვიენაში“ საერთაშორისოდ აღიარებული ფესტივალია, რომელიც 1980 წელს დაარსდა და წელს 37-ედ გაიმართება. ფესტივალი საფრანგეთის ქალაქ ვიენაში, იზერის დეპარტამენტში, ლიონთან ახლოს, ყოველწლიურად ივლისის პირველ ნახევარში იმართება.

ფესტივალის ნამდვილი შუქურა და ფასიანი კონცერტების ერთადერთი ადგილი გახლავთ ანტიკური თეატრის სცენა, რომელიც 7000 მსმენელს იტევს.

ფესტივალს უმასპინძლია ისეთი დიდი მუსიკოსებისთვის, როგორებიც არიან: მაილს დევისი, სტენ გეტსი, კლოდ ნუგარო, მიშელ პეტრუჩიანი, ელა ფიცჯერალდი, სონი როლინზი, ჩაკ ბერი და სხვები.

მუსიკალური საღამოები ჯაზის მონათესავე მიმდინარეობებსაც ეთმობა: გოსპელს, მანუშს, ბლუზს…

რომაული იმპერიის ყველაზე დიდი თეატრი ქალაქის შუაგულში, პიპეს გორაკზეა აგებული. 1938 წელს, რესტავრაციის შემდეგ, ანტიკურმა თეატრმა ქალაქ ვიენას ისტორიული დიდება და პრესტიჟი დაუბრუნა.

ყოველწლიურად, განსაკუთრებით ზაფხულში, თეატრის სცენა მუსიკალური და სხვა კულტურული შეხვედრების ადგილად იქცევა ხოლმე. 1980 წელს კი სათავე დაედო ჯაზფესტივალს, რომელიც საერთაშორისო ფესტივალად გადაიქცა და ეწოდა „ჯაზი ვიენაში“. დღეისათვის კი ის წარმოადგენს ერთ-ერთ ყველაზე დიდ და ცნობილ ჯაზფესტივალს არამარტო საფრანგეთში, არამედ – ევროპაშიც.

ფესტივალის მიმდინარეობისას კონცერტები მთელი დღის განმავლობაში მთელ ქალაქში იმართება და ყველა კონცერტი უფასოა, ანტიკური თეატრის სცენის გარდა.

შუაღამის კლუბი საერთაშორისო პროგრამას მასპინძლობს, სიბელის ბაღები -ფრანგი და უცხოელისტუდენტების ჯაზბენდებს, ჯაზის აკადემია- მასტერკლასებს, შაპიტო „ჯადოსნური სარკე“ კი ახალ ტენდენციებს გვაცნობს.

2004 წლიდან ფესტივალს ხსნის რომელიმე ცნობილი ჯაზ მუსიკოსის სპექტაკლი რეგიონის დაწყებითი სკოლების 6000 მოსწავლის მონაწილეობით. ეს ნამდვილი მუსიკალურად და ემოციურად სავსე ფოიერვერკია ანტიკური თეატრის სცენაზე და ხაზს უსვამს სურვილს, რომ მოხდეს ამ მუსიკალური მახსოვრობის შენახვა/გადაცემა. 2016 წლის ფესტივალის გახსნაზე ამ სპექტაკლის შექმნა დაევალა იბრაჰიმ მალუფს, ცნობილ ლიბანელ ჯაზ მესაყვირეს.

ჯაზი ვიენის სუნთქვაა. ჯაზმა გააცოცხლა ისტორიული ანტიკური თეატრი და გახდა ამ ქალაქისთვის ეკონომიკური და კულტურული განვითარების ფაქტორი.

ჯაზის მოყვარულებმა არ დაიზაროთ, ისარგებლეთ ვიზალიბერალიზაციით და გაემგზავრეთ ვიენის პატარა ქალაქში ჯაზით გასაჟღენთად.

გთავაზობთ ფოტორეპორტაჟს 2016 წლის ფესტივალიდან.

ანტიკური თეატრი, პინკ მარტინი / Theatre Antique Pink Martini

ანტიკური თეატრი, პინკ მარტინი / Theatre Antique Pink Martini

ფემილი ატლანტიკა / Family Atlantica

ფემილი ატლანტიკა / Family Atlantica

დეიმ აროკენა / Dayme Arocena

დეიმ აროკენა / Dayme Arocena

ნილ როჯერ ჩიკ, ჯერი ბარნსი / Nile Rodger Chic (g, vov), Jerry Barnes (bg, voc)

ნილ როჯერ ჩიკ, ჯერი ბარნსი / Nile Rodger Chic (g, vov), Jerry Barnes (bg, voc)

ბადი გაი / Buddy Guy (g)

ბადი გაი / Buddy Guy (g)

რენდი ვესტონი / Randy Weston

რენდი ვესტონი / Randy Weston

ჯონ მაკლაფლინი / John McLaughlin (g)

ჯონ მაკლაფლინი / John McLaughlin (g)

გრეგორი პორტერი / Gregory Porter (voc)

გრეგორი პორტერი / Gregory Porter (voc)

Chick Corea (p,k), Kenny garrett (s), Wallace Roney (tp), Chistian McBride (b), Marcus Gilmore (dms)

Chick Corea (p,k), Kenny garrett (s), Wallace Roney (tp), Chistian McBride (b), Marcus Gilmore (dms)

სილ / Seal

სილ / Seal

სილ / Seal

სილ / Seal

მაგდა გიანიკუ (მაგდა ბანდა) / Magda Giannikou Magda Banda

მაგდა გიანიკუ (მაგდა ბანდა) / Magda Giannikou Magda Banda

 

ნეტგაზეთის მასალების სხვა გამოცემებში გადაბეჭდვის წესი
ტექსტი: ირმა ინარიძე; ფოტო: გია გოგატიშვილი