ციდან დანახული ამერიკა

ჯეფრი მილშტეინი აეროფოტოებით ყვება ლოს-ანჯელესის და ნიუ იორკის ამბებს. კადრები ჩიტის ფრენის სიმაღლიდანაა გადაღებული. მაღლიდან კარგად ჩანს ერთი შეხედვით ქაოსური ქალაქების მოწესრიგებული არქიტექტურა.

მილშტეინმა საუკეთესო აეროკადრები შეაგროვა და ერთ წიგნ LA NY-ში მოათავსა. ფოტოსერიები შთამბეჭდავ არქიტექტურულ წყობას გვიჩვენებს, რაკურსით, რომლითაც თვითონ ვერასდროს დავინახავდით ქალაქს.

მილშტეინის წიგნის პრეზენტაცია და აეროფოტოების გამოფენა ლოს-ანჯელესის კოპეიკინის გალერეაში მოეწყო 28 ოქტომბერს. ფოტოგამოფენა 2017 წლის 23 დეკემბრამდე გაგრძელდება.

ფოტოგრაფი ქალაქების დაგეგმარებას, არქიტექტურულ წყობას გვიჩვენებს მაღლიდან, მაგრამ ითვალისწინებს ადამიანურ მასშტაბებსაც, როცა მილშტეინის ფოტოებში ადამიანები ხვდებიან ყოველთვის შესაძლებელია მათი გარჩევა.

მილშტეინი 1950-1960-იან წლებში ლოს-ანჯელესში იზრდებოდა. როგორც ახალგამოცემულ წიგნში – LA NY წერს, მისი საყვარელი გასართობი იმ დროს სანტა-მონიკას აეროპორტში, მიწაზე დაშვების პროცესში თვითმფრინავებზე დაკვირვება იყო. ბავშვობაში თვითმფრინავების მოდელებს აკეთებდა და 17 წლისამ კერძო პილოტის გამოცდებიც ჩააბარა, რომ ციდან გადაღება შესძლებოდა.

წიგნ LA NY-ში შესული მაღლიდან გადაღებული თვითმფრინავების ერთ-ერთი ფოტოსერიისთვის ჯეფრი მილშტეინმა ლოს-ანჯელესის, ნიუ-იორკის აეროპორტები და უამრავი თვითმფრინავი დაიქირავა. ფოტოგრაფი გეგმავს მომავალში სხვა ქალაქებსა და ქვეყნებსაც გადაუფრინოს ფოტოსერიების გადასაღებად.

მილშტეინი ამჯერად  ნიუ იორკის ერთ-ერთ შტატში, ვუდსტოკში ცხოვრობს. მისი ფოტოები New York Times-ში, GQ, European Photography-ში, American Photo-სა და სხვა გამოცემებში იბეჭდებოდა სხვადასხვა დროს.

ჰუდსონ-იარდის მატარებლები

ცენტრალური პარკი

თაიმს სქვერი

ნიუ იორკი. მე-5 ავენიუ

ნიუ იორკი. თაიმს სქვერი და მე-7 ავენიუ

ნიუ იორკი. თავისუფლების ქანდაკება

ნიუ იორკი. სტეივესანტი

ემპაირ სტეიტ ბილდინგი

ნიუ იორკი. კოლუმბუსის წრე

ნიუ იორკი. მიდთაუნი

ნიუ იორკი. ნავმისადგომი

გუგენჰეიმის მუზეუმი

კალიფორნია. დისნეილენდის გასართობი პარკი

აეროპორტი

კონი-აილენდი

არმი პლაზა

 

ფოტოები ჯეფრი მილშტეინის ოფიციალური გვერდიდან  jeffreymilstein.com

ნეტგაზეთის მასალების სხვა გამოცემებში გადაბეჭდვის წესი
ავტორი
თამუნა ნერგაძე არის "ბათუმელების" რეპორტიორი 2017 წლის ოქტომბრიდან