შეჯიბრებაზე საქართველოდან ექვსი ბიჭი და ექვსი გოგო გამოვა.
აჭარის ტანვარჯიშის ფედერაციის პრეზიდენტის გურამ ოსანაძის ინფორმაციით, ტურნირში არ იქნებიან სპორტსმენები ბათუმიდან, რადგან ამ ასაკის კატეგორიის ტანმოვარჯიშეები ბათუმში ჯერ არ არიან.
ტურნირი 28 აგვისტოს ბიჭების გამოსვლით 11 საათზე დაიწყება და გოგოებს შორის პირადი ასპარეზობით გაგრძელდება. ფინალები 29-30 აგვისტოს გაიმართება.
გამარჯვებული და საპრიზო ადგილზე გასული სპორტსმენები სპეციალური თასით, მედლებით დიპლომებითა და პრიზებით დაჯილდოვდებიან.
ტურნირის ორგანიზატორები არიან აჭარის სპორტისა და ახალგაზრდობის საქმეთა დეპარტამენტი და აჭარის ტანვარჯიშის ფედერაცია.
რუსუდან სიხარულიძე გუნდურ პირველობაში მსოფლიოს ჩემპიონი და მესამე პრიზიორია თავისუფალ ვარჯიშში (1974). ის ორგზის სსრკ ჩემპიონი გახდა 1973 წელს – მრავალჭიდში, ხოლო 1974 წელს – თავისუფალ ვარჯიშში. არის საერთაშორისო კლასის სპორტის ოსტატი, საქართველოს დამსახურებული მწვრთნელი და საერთაშორისო კატეგორიის მსაჯი. მისი სახელობის ტურნირი ბათუმში წელს მეორედ იმართება.