აჭარის სპორტის ისტორიაში პირველად ქვიშის ფეხბურთის გუნდი ევროთასზე იასპარეზებს

  მასში  23 ქვეყნიდან 28 გუნდი მიიღებს მონაწილეობას. მათ შორის საქართველოდანაც – ბათუმის საფეხბურთო კლუბ „დინამოს“ ბაზაზე არსებული საპლაჟო ფეხბურთის კლუბი „დინამო“.

„დინამო“ აჭარაში პირველი გუნდია, რომელიც ქვიშის (საპლაჟო) ფეხბურთის ევროპის ჩემპიონთა თასის გათამაშებაში მონაწილეობს.

„ეს არის პირველი შემთხვევა არა მარტო ქვიშის სახეობაში, არამედ იმ მხრივაც, რომ აჭარიდან მონაწილეობს კლუბი ევროპის თასის პირველობაზე“ – გვითხრა აჭარის ფუტსალისა და საპლაჟო ფეხბურთის ფედერაციის პრეზიდენტმა ჯაბა ჭანტურიამ.

2014 წელს, ბათუმში საპლაჟო ფეხბურთში საქართველოს პირველი ჩემპიონატი ჩატარდა, სადაც ბათუმის „დინამომ“ გაიმარჯვა და ევროპის ჩემპიონთა თასზე ასპარეზობის უფლება მოიპოვა.

„დინამო“ იტალიაში 30 მაისს გაემგზავრა, 31 მაისსა და 1 ივნისს, კატანიის საპლაჟო ფეხბურთის ცენტრალურ არენაზე ღია ვარჯიშები ჩაატარა. 2 ივნისსს, კი თბილისის დროით 13:00 საათზე ტურნირის გახსნით შეხვედრაში ითამაშებს და ბულგარეთის ჩემპიონს „ოდესუს“ დაუპირისპირდება.