აჭარის მთავრობის სხდომაზე ზურაბ პატარაძემ რეგიონში მიმდინარე პროექტები შეაჯამა

9 აგვისტოს, აჭარის მთავრობის სხდომა, 2018 წლის რუსეთ-საქართველოს ომში დაღუპულთა ხსოვნისადმი მიძღვნილი წუთიერი დუმილით დაიწყო. აჭარის მთავრობის თავმჯდომარემ მთავრობის წევრებთან და მედიის წარმომადგენლებთან გასული დღეები შეაჯამა და ისაუბრა იმ წარმატებული პროექტების შესახებ, რომლებიც რეგიონში ხორციელდება.

დღეს აჭარის მთავრობის სხდომა გაიმართა

დღეს აჭარის მთავრობის სხდომა გაიმართა

ზურაბ პატარაძემ აჭარის მთის მოსახლეობას კიდევ ერთხელ მიულოცა შუამთობის დღესასწაული, რომელიც ჯერ კიდევ გრძელდება მაღალმთიან აჭარაში. მისი თქმით, განსაკუთრებით სასიხარულოა რომ წელს შუამთობა ხალხმრავლობით და უცხოელი ტურისტების სიმრავლით გამოირჩეოდა.

„ჩვენ რამდენიმე დღე ვიმყოფებოდით მაღალმთიან აჭარაში, მოვინახულეთ ხულოს ყველაზე მაღალი იალაღები. წელს დასრულდა 6 მთის ელექტროფიკაცია, რაც უპრეცედენტო პროექტია“ – აღნიშნა ზურაბ პატარაძემ.

წელს დასრულდა 6 მთის ელექტროფიკაცია

წელს დასრულდა 6 მთის ელექტროფიკაცია

მთავრობის თავმჯდომარემ კურორტ გოდერძიზე დაწყებული ახალი პროექტის შესახებაც ისაუბრა. კურორტზე 4 ახალი სასტუმრო აშენდება, რომელთა ინვესტიცია 80 მილიონ ლარს აჭარბებს. ზურაბ პატარაძის თქმით, განსაკუთრებით სასიხარულოა ის ფაქტი, რომ კურორტი განვითარების გეგმის მიხედვით ვითარდება და საბოლოო ჯამში 200 მილიონ ლარზე მეტ ინვესტიციას მოიცავს.

ისტორიულ პროექტად შეაფასა ზურაბ პატარაძემ მაღალმთიანი აჭარის გაზიფიცირების პროექტი, რომლის განხორციელება უკვე დაწყებულია. პროექტი ბათუმიდან შუახევამდე უკვე შეძენილია და მშენებელი კომპანიაც უახლოეს პერიოდში გამოვლინდება.

კურორტზე 4 ახალი სასტუმრო აშენდება, რომელთა ინვესტიცია 80 მილიონ ლარს აჭარბებს

კურორტზე 4 ახალი სასტუმრო აშენდება, რომელთა ინვესტიცია 80 მილიონ ლარს აჭარბებს

აჭარის მთავრობის თავმჯდომარემ ისაუბრა ასევე წარმატებულ ტურისტულ სეზონზე, ტურისტების რიცხვის განსაკუთრებულ ზრდაზე და აღნიშნა, რომ მხოლოდ ბათუმის საერთაშორისო აეროპორტში დღეში 20-22 ფრენა ხორციელდება, ხოლო 2017 წლის 6 თვის მონაცემებით ბათუმს ნახევარ მილიონზე მეტი საერთაშორისო ვიზიტორი სტუმრობდა, რაც 67%-ით მეტია გასული წლის ანალოგიურ პერიოდთან შედარებით.

მიმდინარე თემების შემდეგ, აჭარის მთავრობის ხდომაზე დღის წესრიგით გათვალისწინებული საკითხები განიხილეს.

 300-ზე მეტი საგზაო-ინფრასტრუქტურული პროექტი აჭარის მუნიციპალიტეტებში

აჭარის გზებისა და სამელიორაციო სისტემების მართვის დეპარტამენტის ხელმძღვანელმა არჩილ ჩიქოვანმა აჭარის მთავრობის თავმჯდომარეს და მთავრობის წევრებს ხუთივე მუნიციპალიტეტში დაგეგმილი საგზაო-ინფრასტრუქტურული სამუშაოების შესახებ ანგარიში წარუდგინა.

„აჭარის გზებისა და სამელიორაციო სისტემების მართვის დეპარტამენტის მიერ 2017 წელს განხორციელდება 300-ზე მეტი ინფრასტრუქტურული პროექტი. დღევანდელ სხდომაზე მოთხოვნილი იქნა  ხუთივე მუნიციპალიტეტში 42 ხელოვნურ ნაგებობის, მათ შორის ერთი ხიდის მშენებლობისთვის საჭირო ფინანსები 1 255 631 ლარის ოდენობით.  41 ლოკაციაზე უნდა განხორციელდეს ფერდსამაგრი სამუშაოები, რისთვისაც კეთდება საყრდენი კედლები. პროექტები 42-ვე ობიექტთან დაკავშირებით მიმდინარე წლის შევიძინეთ. ყველა პროექტს აქვს საპროექტი-სახარჯთაღრიცხვო დოკუმენტაცია და გეოლოგიური დასკვნები. პროექტებიდან 1 ხიდი შენდება ქედაში, დანარჩენი 41  პროექტი გადანაწილებულია ხუთივე მუნიციპალიტეტში“ – აცხადებს არჩილ ჩიქოვანი.

აჭარის მთავრობის თავმდჯომარემ ხაზი გაუსვა აჭარის გზებისა და სამელიორაციო სისტემების მართვის  დეპარტამენტის მიერ განხორციელებულ პროექტებს. როგორც ზურაბ პატარაძემ აღნიშნა, არაერთხელ დაესწრო გზების მოასფალტებისა და ბეტონის საფარის დაგების პროცესს აჭარის სხვადასხვა სოფელში. მისი თქმით, გამართული საგზაო ინფრასტრუქტურა არის ყველაზე მთავარი ჩვენი მოსახლეობისთვის და ამ მიმართულებით მუშაობა გრძელდება. „მხოლოდ მიმდინარე წელს 300-ზე მეტი პროექტია დაგეგმილი აჭარის მუნიციპალიტეტებში და მათი 85 %  დასრულებულია ან მიმდინარე პროცესშია. სულ რეგიონს 87 კმ ახალი ასფალტის საფარიანი გზა ექნება, რაც შთამბეჭდავი ციფრია“ – აღნიშნა მთავრობის თავმჯდომარემ.

აჭარის ავტონომიური რესპუბლიკის მთავრობის სხდომაზე დღეს 2017 წლის რესპუბლიკური ბიუჯეტით გათვალისწინებული რეგიონის მუნიციპალიტეტებში განსახორციელებელი პროექტების ფონდიდან თანხის გამოყოფის შესახებ იმსჯელეს.

რესპუბლიკური ბიუჯეტის თანახმად, ავტონომიური რესპუბლიკის ტერიტორიაზე არსებულ მუნიციპალიტეტებში განსახორციელებელი პროექტების ფონდისათვის მიმდინარე წელს გათვალისწინებულია 17 200 000 ლარი.

ამ ეტაპზე მუნიციპალიტეტებში განსახორციელებელი პროექტების დასაფინანსებელი თანხა საერთო ჯამში   შეადგენს 3 565 283 ლარს.  აღნიშნული თანხით განხორციელდება შემდეგი პროექტები: ბათუმში  მრავალსართულიანი სახლების ეზოების კეთილმოწყობისა და კომუნალური სისტემების მოწესრიგების პროექტები, ასევე რესტავრაცია ჩაუტარდება მრავალსართულიანი სახლების ძველ ლიფტებს და აუცილებლობის შემთხვევაში დამონტაჟდება ახალი ლიტფები. მოეწყობა ქუჩები გონიო-კვარიათის დასახლებებში. თანხები გათვალისწინებული იქნება ასევე ქობულეთში სტიქიის სალიკვიდაციო ღონისძიებების სამუშაოებისა და ქედის მუნიციპალიტეტში კიდევ ერთი ნაგავმზიდი მანქანის შეიძენისათვის.
 

მთავრობის სხდომის სხვა საკითხები

მთავრობის სხდომაზე აჭარის ფინანსთა და ეკონომიკის მინისტრმა საინვესტიციო საქმიანობის ხელშესაწყობად, სს „მეტრო ატლას ჯორჯიას“ მიმართ რიგი ღონისძიებების განხორციელების შესახებ ისაუბრა. მისი თქმით, საუბარია 13 000 ლარის ოდენობის პირობით ჯარიმაზე, თუმცა ეს არ ნიშნავს რომ კომპანია ჯარიმისგან თავისუფლდება. იმ შემთხვევაში თუ კომპანია არ შეასრულებს იმ ვალდებულებებს, რომელიც დამატებით აიღო, მის წინააღმდეგ საჯარომო სანქციები განხორციელდება.

20626273_448870618832772_5384891132810698703_o

„კომპანიას თავდაპირველად ჰქონდა ვალდებულება განეხორციელებინა 10 მილიონი დოლარის ინვესტიცია კურორტ გოდერძზე. მას უნდა აეშენებინა მინიმუმ 100-ნომრიანი სასტუმრო. საბოლოოო ჯამში, პროექტის დამუშავების დროს გამოიკვეთა, რომ დამატებით ინვესტიციებსა და დამატებით სასტუმრო ნომრებზეა საუბარი. საბოლოო ჯამში მივიღებთ, რომ მინიმუმ 120 ნომრიანი სასტუმრო აშენდება და განხორციელდება მინიმუმ 12 მილიონი დოლარის ინვესტიცია“ – აღნიშნა რამაზ ბოლქვაძემ.

რაც შეეხება „ბედეგი ბილდინგს“, როგორც ფინანსთა და ეკონომიკის მინისტრი აცხადებს, „უნდა აშენებულიყო მრავალფუნქციური ობიექტი, აქაც შეიცვალა საბოლოო ჯამში პროექტი და ნაცვლად 150 000 ლარისა, ხორციელდება მილიონ ლარზე მეტი ინვესტიცია. ამ ეტაპზე არცერთ კომპანიას ჯარიმა არ ერიცხება. საუბარი არის ვადების შეცვლაზე. „ბედეგი ბილდინგის“ შემთხვევაში იცვლება დასრულების ვადა და გადადის 2018 წლის 31 მარტამდე.“

ნეტგაზეთის მასალების სხვა გამოცემებში გადაბეჭდვის წესი
ავტორი