მთავარი

პრემიერა კინო „აპოლოში“ – ქართული ფილმი თვითმფრინავის ბიჭებზე

20.04.2017 • 3856
პრემიერა კინო „აპოლოში“ – ქართული ფილმი თვითმფრინავის ბიჭებზე

დღეს, 20 აპრილს, 19:30 საათზე, კინოთეატრ „აპოლოში“ ქართული ფილმის, „მძევლების“ პრემიერა შედგება.

ფილმს საფუძვლად უდევს  1983 წელს რეალურად მომხდარ ამბავი, საბჭოთა კავშირიდან ახალგაზრდების ჯგუფის მიერ თვითმფრინავის გატაცების შესახებ, რომლებიც ამერიკის შეერთებულ შტატებში წასვლაზე ოცნებობდნენ, თუმცა ფილმი არ წარმოადგენს მოვლენის რეკონსტრუქციას.

„მძევლების“ მსოფლიო პრემიერა წელს, თებერვალში, ბერლინის საერთაშორისო კინოფესტივალზე შედგა.

„მძევლები“ ქართულ-რუსულ-პოლონური კოპროდუქციაა. მისი ბიუჯეტი 2 მლნ. დოლარამდეა.

რეზო გიგინეიშვილი, ლაშა ბუღაძე და რეზო გიგინეიშვილი. ფილმში მონაწილეობენ: თინა დალაქიშვილი, ირაკლი კვირიკაძე, დარეჯან ხარშილაძე, მერაბ ნინიძე, გიგა დათიაშვილი, გიორგი გრძელიძე, გიორგი ტაბიძე, გიორგი ხურცილავა, ვახო ჩაჩანიძე, კატო კალატოზიშვილი, ბექა ლემონჯავა, ილიკო სუხიშვილი, ჯონი ჯანაშია, ავთო მახარაძე და მიშა გომიაშვილი.

„მძევლებს“ კინოთეატრ „აპოლოში“ 26 აპრილის ჩათვლით აჩვენებენ.  ბილეთის ფასი 9-10 ლარია.

_____________________________________

უცხოელი კრიტიკოსების შეფასება

“ბოლო წლების განმავლობაში ერთ-ერთი ყველაზე საინტერესო განვითარება მსოფლიო კინოში, პოსტ-საბჭოთა საქართველოში ერთიანი და გასაოცარი ახალი კინო ტალღის გამოჩენა გახდა. რეზო გიგინეშვილის “მძევლები” შესაძლოა, სწორედ ამ მოძრაობის დაღვინებულ წერტილს წარმოადგენდეს.

ეს არის გასაოცარი და ძალიან კარგად შექმნილი ტრილერი, თუმცა რჩება განცდა, რომ ის არის ხელიდან გაშვებული შანსი, რადგან ის საბოლოო გადაწყვეტილებას არ იღებს. ის ყოყმანობს გამტაცებლების პირდაპირ დაგმობაში… ეჭვი არა არის, რომ ფილმი გვიყვება ტრაგედიაზე, თუმცა კითხვა რჩება: ვის ტრაგედიაზე?”

Variety-ის კრიტიკოსი ჯესიკა კიანგი

„სცენარს მრავალი პერსონაჟი ჰყავს, თუმცა მათ მოტივაციებს ის არასდროს უღრმავდება; მიუხედავად ამისა ფილმი ახერხებს გადმოსცეს სასოწარკვეთა და შეცდომა. სახელი “მძევლები” იმდენად არ აღნიშნავს გატაცებულ უდანაშაულო მგზავრებს, რამდენადაც მათ ოჯახებსა და მშობლებს, ისევე როგორც თავად გამტაცებლებს.”

ბრიტანული Cine-vue-ის კრიტიკოსი ჯონ ბლისდეილი

“გიგინეიშვილი გვიჩვენებს, რომ კარგად გამოსდის დაძაბულობისა და მოლოდინის შექმნა, მაგრამ იმდენად კარგად ვერ გადმოსცემს პერსონაჟების მოტივაციებს. “მძევლები” არასდროს სცდება საკუთარ ანტიგმირ პროტაგონისტებს, რომლებიც არაადეკვატურად არიან წარმოჩენილი და სქემატურად არიან დახატული. ცოტა უფრო მეტი შიდა პერსპექტივა დაეხმარებოდა მაყურებელს, უკეთ გაეგო ახლო წარსულში განვითარებული მოვლენები, რომლებიც ხდება იმ წარუმატებელ უტოპიაში, სადაც “ბიტლზის” ალმობის ქონა საშიში დანაშაულია.“

hollywood Reporter-ის კრიტიკოსი სტივენ დალტონი

წაიკითხეთ მეტი: თვითმფრინავის ამბავზე გადაღებული ფილმი – უცხოელი კრიტიკოსების შეფასება 

 

 

გადაბეჭდვის წესი


ასევე: