ნავებზე დატვირთული ქვევრებით ღვინის გადაზიდვის პროცესი ისტორიულად შავ ზღვას და ვაზით მდიდარ აჭარის რეგიონს უკავშირდება. ეს ისტორია აჭარას საუკუნეების შემდეგ ისევ ზღვიდან, ბათუმელმა მეზღვაურმა დაუკავშირა. თქვენ ისევ ნახავთ ნავებზე დატვირთულ ქვევრებს, ამჯერად ქალაქის ცენტრალურ ნაწილში, გორგასლის №111-ში. ეს „ბათუმარანია“ – ბათუმელი მეზღვაურის იდეით დაწყებული სარესტორნო ბიზნესი.
ხმაურიანი გარესამყაროდან რესტორანში შესვლისთანავე ქალაქური სიმღერების ფონური მუსიკა სასიამოვნო, ქალაქურ სივრცეში გაგრძნობინებთ თავს. შესვლისთანავე ჩვენი მომღიმარი მენეჯერი, ზაზა დაგხვდებათ და გასაოცრად გიმასპინძლებთ. ზაზა 12 წელია, რაც ტურიზმის სექტორში, მომსახურების სფეროში მუშაობს.
ზაზა სირაძე, მენეჯერი: „სტუმრებთან ურთიერთობა, ვფიქრობ ყველაზე დიდი ხელოვნება და გამოწვევაა. ადრე სასტუმრო სექტორში ვმუშაობდი, თუმცა სარესტორნო ბიზნესი ჩემთვის გაცილებით საინტერესო აღმოჩნდა. აქ უშუალო პასუხისმგებლობა გაქვს თითოეული სტუმრის მიღებასა და მის გამასპინძლებაზე. კარგი მუშაობით შედეგსაც სწრაფად იღებ, რაც სერვისის გაუმჯობესების და თვითგანვითარებისთვის ძალიან მნიშვნელოვანია.
„ბათუმარანის“ მენეჯერი ზაზა სირაძე სტუმრებთან ერთად
ქაბაბი
სასიხარულო ამბავი გვაქვს ჩვენი მომხმარებლებისთვის. რესტორანი „ბათუმარანი“ რეკომენდებულია! აჭარის ტურიზმისა და კურორტების დეპარტამენტმა „ბათუმარანს“ ხარისხის ნიშანი „რეკომენდებულია ტურიზმის დეპარტამენტის მიერ“ მიანიჭა, რაც ნიშნავს იმას, რომ „ბათუმარანი“ ხარისხის საერთაშორისო კრიტერიუმებს აკმაყოფილებს, რომელიც მსოფლიოში აღიარებულ HotRec, Hot Star union 21 პრინციპს ემყარება. ყოველივე ეს კი ჩვენი გუნდის თითოეული წევრისთვის ძალიან დიდი სტიმულია რათა გემრიელად და ხარისხიანად ვუმასპინძლოთ ჩვენ სტუმრებს.”
„ბათუმარანის“ საფირმო კერძი
ბათუმარანი“ აჭარის, ვაზის და ზღვის ინტერიერით ქალაქში, როგორც ქართველების, ასევე უცხოელების დიდ მოწონებას იმსახურებს და შეკრების საუკეთესო ადგილადაც იქცა. იყო შემთხვევა, როდესაც უკრაინელმა სტუმრებმა რესტორნის ადმინისტრაციას ინტერიერის ფოტოების გადაღება და გაგზავნა თხოვეს. მსგავსი უკრაინაშიც რომ გაეკეთებინათ.
აჭარაში, მხოლოდ „ბათუმარანშია“ დიდი რაოდენობის ღვინისა და ოჯახში დამზადებული არყების ფართო არჩევანი, რომელიც ტრადიციული მეთოდით მთიანი აჭარის სოფლებში იწურება და მზადდება. „ბათუმარანში“ წარმოდგენილია აჭარაში დაწურული ხუთი სახის ჩამოსასხმელი ღვინო: ჩხავერი, საწური, ცოლიკაური, ალადასტური და ნოე. ასევე აქ არის არყისა და ჭაჭის მრავალი სახეობა – თაფლის არაყი, ტყემლის არაყი, უშაქრო ტყემლის არაყი, ჭაჭა, უშაქრო ჭაჭა, არაყი მუხის არომატით, ასევე თუთის, აკაციის, ხურმის, შერეული ხილის, მსხლის, და ვაშლის არაყი.
რაც მთავარია, ადგილზე დაგემოვნების გარდა, შეგიძლიათ საუკეთესო ღვინო, ჭაჭა ან არაყი აქვე შეიძინოთ.
ალკოჰოლური სასმელები
ღვინის კუთხე
ჩვენ სამზარეულოში კი ნამდვილი კულინარიული დუელია. მზარეულები ერთმანეთს საუცხოო გემოს, ინგრედიენტებისა და განსაკუთრებული არომატების აღმოჩენასა და შეზავებაში ეჯიბრებიან. ამიტომაა ჩვენი თითოეული კერძი ასეთი გემრიელი და არომატული. ექსპერიმენტული კულინარიული შედევრების სიაში საფირმო კერძი „ბათუმარანი“ და „სამეფო“ ლიდერობს.
დააგემოვნეთ საფირმოდ მომზადებული ხორცის ასორტი გემრიელ დანამატებთან ერთად.
ერთ-ერთი მადისაღმძვრელი კულინარიული საიდუმლო ჩვენი მომხმარებლებისთვის სულ მალე გასაჯაროვდება.
„ბათუმარანში“ სტუმრობა ნამდვილი, ბათუმური ყავით გამასპინძლების გარეშე წარმოუდგენელია. კედელზე მიდგმული პატარა ჯეზვეები მხოლოდ ინტერიერის ნაწილი არ არის. აქ ნამდვილ, ქვიშაზე მოხარშულ ბათუმურ ყავას დალევთ საიდუმლო დანამატით და თუ შესაბამისი განწყობა გექნებათ, ყავის ფიგურების გამოცნობით წარსულში, აწმყოსა და მომავალში იმოგზაურებთ.
ინტერიერის ნაწილი
„ბათუმარანი“ თავის სტუმრებს სპეციალურ აქციებსაც სთავაზობს. ერთგული მომხმარებლებისთვის კი განსაკუთრებული ფასდაკლების ვაუჩერი მოქმედებს.
დილის საათებში ჩვენთან ბახუს მენიუს აქცია გვაქვს! მიირთვით 100 გრამი ტყემლის ჭაჭა საჩუქრად.
რესტორნის ოთხი სხვადასხვა სივრცე თქვენ შეგიძლიათ დაბადების დღის, კორპორატიული საღამოს, საქმიანი პრეზენტაციის და სხვადასხვა წვეულების ადგილად აქციოთ.
მომსახურება 10%, სიამოვნება 100%!
რესტორანი „ბათუმარანი“ ასევე გთავაზობთ რამდენიმე დამატებით სერვისს ბათუმსა და მის შემოგარენში. ფურშეტის (ქეითერინგის) მომსახურებას თქვენი წვეულების ორგანიზებისთვის და ადგილზე მიტანის სერვისს.
ჩვენ ვებგვერდზე თქვენ ნახავთ დეტალურ ინფორმაციას მენიუსა და ფასების შესახებ. ტურიზმის რეგიონალურ ფორუმზე batumarani.ge საუკეთესო ვებგვერდად დასახელდა.
ჩვენთვის მომხმარებლების აზრი ძალიან მნიშვნელოვანია. მომსახურების სფეროს გაუმჯობესების მიზნით ვებგვერდზე შევქმენით ბლოგი, სადაც კვების ობიექტების სერვისის თემაზე საინტერესო მოსაზრებები გამოქვეყნდება.
დაგვიწერეთ მოსაზრება ბლოგის სახით batumarani.ge
გამოგვეხმაურეთ ფეისბუქზე
შეგვაფასეთ www.tripadvisor.com-ზე
მოგვწერეთ ელ.ფოსტაზე: batumarani@gmail.com
დაგვიტოვეთ თქვენი მოსაზრება „შთაბეჭდილებების წიგნში“
დაგვირეკეთ: ტელ.: 0 422 22 78 78 ; მობ.: 555 90 30 30
რესტორანი „ბათუმარანი“
