წყალქვეშა ფოტოგრაფიის კონკურსი ბრიტანეთში ყოველ წელს ტარდება, 2018 წლის გამარჯვებულები 14 თებერვალს დააჯილდოვეს. კონკურსში 5000 ფოტოგრაფი მონაწილეობდა, საუკეთესო ფოტოები 11 სხვადასხვა კატეგორიაში გამოავლინეს. ფოტოკონკურსის მთავარი პრიზი წელს გერმანელ ფოტოგრაფს, ტობიას ფრიდრიხს გადასცეს და ის 2018 წლის საუკეთესო წყალქვეშა ფოტოგრაფად დაასახელეს.

2018 წლის საუკეთესო ბრიტანელი წყალქვეშა ფოტოგრაფის ტიტული კი შოტლანდიელ გრანტ ტომასს ერგო.

1. ომის ციკლი

ფოტოზე ასახულია მეორე მსოფლიო ომის დროს წითელ ზღვაში ჩაძირული, დაკარგული გემი, რომელსაც საომარი მანქანები და Norton 16H-ის მოდელის მოტოციკლები გადაჰქონდა.

ფოტო: Tobias Friedrich/UPY 2018

2. შეყვარებული ფრინველები

ფოტო შოტლანდიაშია გადაღებული. „გედები საკვებს ერთად ეძებდნენ წყალში თავჩაყოფილები, კარგა ხანს მომიწია ლოდინი, სანამ იდეალურ მომენტს დავიჭერდი, გედების სიმეტრიული და სინქრონული მოქმედება რომ ამესახა,“ – ამბობს ფოტოგრაფი გრანტ ტომასი.

ფოტო: Grant Thomas/UPY 2018

3. ღრიალი

გველთევზა ემზადება ზღვის არსებების გადასაყლაპად. „დაახლოებით ნახევარ საათს ვიცდიდი, ეს კადრი რომ გადამეღო, თუმცა შედეგი ამად ნამდვილად ღირდა,“- ყვება ფოტოგრაფი მანბდ უიდივი.

ფოტო: ManBd UiDive/UPY 2018

4. კუზიანი ვეშაპი წყლიდან ხტება 

ფოტო წყნარი ოკეანის პოლინეზიაში, კერძოდ ტონგაშია გადაღებული „ყოველ წელს მივდივარ ტონგაში და იქ ვხვდები კუზიანი ვეშაპებით დაინტერესებულ, ბუნებაზე შეყვარებულ ტურისტებს. ტონგა საუკეთესო ადგილია ლურჯ, კამკამა წყალში კუზიან ვეშაპებზე დასაკვირვებლად. წელს განსაკუთრებით იღბლიანი წელი მქონდა, რადგან ეს ცნობისმოყვარე, მხიარული ძუძუმწოვრები ძალიან ახლოს მოდიოდნენ, გვაკვირდებოდნენ და ჩვენ თვალწინ პოზირებდნენ. მიუხედავად რამდენიმე ათეული ტონისა, ვეშაპები ძალიან სწრაფად ხტებიან წყლიდან და ამ დროს გასაკვირ მოქნილობას იჩენენ, ფოტოზე სწორედ ეს მომენტია ასახულიმ“-ამბობს ფოტოს ავტორი, გრეგ ლეკოერი.

ფოტო: Greg Lecoeur/UPY 2018.

 5. ცხენთევზები

„ადგილი, სადაც ეს ფოტო გადავიღემ ცხენთევზების განსაკუთრებული სიმჭიდროვით გამოირჩევა, რაც იშვიათობაა.  თუ სადმე ერთ ცხენთევზას მაინც გადაიღებ, გაგიმართლა, სამი კი ერთად აქამდე არასდროს მინახავს. დაველოდე, სანამ ისინი პლანქტონებს შეჭამდნენ, მერე ცოტათი მოითენთნენ და გადასაღებად დრო ვიხელთე. დაველოდე მომენტს, როცა სამივეს სილუეტს გადავიღებდი,“- ფოტოგრაფი შეინ გროსი.

ფოტო: Shane Gross/UPY 2018

6. „მეგობარია თუ საკვები?”

„გველთევზებს ბევრჯერ შევხვედრივარ და გადამიღია, მაგრამ ასე მხატვრულად მათი არც ერთი კადრი არ გადამიღია. ოდნავ სხვაგვარი ექსპოზიციაც კი ფოტოს ეფექტს დაუკარგავდა. გველთევზა მსხვერპლს დარაჯობს და ვერ გადაუწყვეტია, შეჭამოს თუ არა,“- ფოტოგრაფი სუნგდა კაი.

ფოტო: Songda Cai/UPY 2018.

 7. მეთევზე

„ზამთრობით ტოკიოდან ჩინეთში მიმავალი გემები ნახევარკუნძულ იძუსთან ახლოს ჩერდებიან და ამ დროს გეძლევა შესაძლებლობა, ამ იშვიათი ჩიტების თევზაობას დააკვირდე. მათ ისე სჭირდებათ საკვები, რომ ამ დროს სულ არ აინტერესებთ, ვინ იღებს კამერით და ყურადღებასაც არ გაქცევენ, ისე იჭერენ სარდინებს,“-ფოტოგრაფი ფილიპო ბორგი.

ფოტო: Filippo Borghi/UPY 2018.

 8. დამალვა

პატარა თევზი „მედუზაში იმალება“- ფოტოგრაფ სკოტ გათსს მეგობარმა უამბო, რომ მსგავსი რამ არსობებს და პატარა თევზები ხანდახან მედუზებს შეეფარებიან ხოლმე, მაგრამ სინამდვილემ ყოველგვარ მოლოდინს გადააჭარბა და ფოტოგრაფმა თვალით ნანახი კადრში ასახა.

ფოტო: Scott Gutsy Tuason/UPY 2018.

9სატყუარა თევზებით გარშემორტყმული ზვიგენი

„ყოველთვის მოუთმენლად ველი კარიბის ჩაძირულ გემებამდე ჩაყვინთვას და მრისხანე, მაგრამ ჭკვიანი ზვიგენების ნახვას. თუმცა ნანახმა ყოველგვარ მოლოდინს გადააჭარბა: გადასაღებად მომზადებული შევესწარი უამრავი პატარა სატყუარა-თევზებით გარშემორტყმულ ზვიგენს, რომელიც ნელა მოძრაობდა ამ პატარა თევზებისგან შემდგარ „ბურთში“, – ყვება ფოტოგრაფი ტანია ჰოუპერმანსი.

ფოტო: Tanya Houppermans/UPY 2018.

10. ნიანგის ანარეკლი

„გამიმართლა, რომ გადაღებისას ნიანგი მშვიდი იყო და გადაღებას მაცლიდა, ბევრი კადრი გადავიღე ამ ეფექტის მისაღებად და ვფიქრობ, ფოტოს მხატვრულობას ძლიერი გრაფიკული ელემენტი განსაზღვრავს, რასაც აუცილებლად სჭირდებოდა ფოტოს შავ-თეთრად გადაწყვეტა,“ – ამბობს ფოტოგრაფი ბორუტ ფურლანი.

ფოტო: Borut Furlan/UPY 2018

11. თევზების ომი

„თევზები ამ ფოტოზე ერთმანეთს არ კოცნიან, ეს მათი ბრძოლაა დაწყვილების უფლების მოსაპოვებლად. ბრიტანული ზაფხული ამ ჯიშის თევზებისთვის გამრავლების პერიოდია და კონკურენცია ძალიან მაღალია. მამრების ეს ცისფერი შეფერილობა პარტნიორების მისაზიდად უმუქდებათ სპეციალურად ამ პერიოდისთვის,“-ფოტოგრაფი ჰენლი სპირსი.

ფოტო: Henley Spiers/UPY 2018.

12. თეთრი სელაპი

„კუნძულ ფარნიზე ატლანტიკის სელაპის სახელით ცნობილი ათასობით ნაცრისფერი სელაპი ბინადრობს, ყოველ შემოდგომაზე ასობით ახალშობილი იბადება. ნაცრისფერი სელაპი, რომელსაც ფოტოზე ხედავთ, შესანიშნავად იყენებდა კუდს ცურვისთვის და მოუხეშავობის მიუხედავად, მოქნილად გადაადგილდებოდა წყალში,“-ფოტოგრაფი ვიკი პეინტერი.

ფოტო: Vicky Paynter/UPY 2018.

 


თეგები: | |