მთავარი,სიახლეები

ბათუმის რუსთაველის უნივერსიტეტმა ახალი კვლევითი ცენტრის მშენებლობა დაიწყო

18.10.2017 • 2979
ბათუმის რუსთაველის უნივერსიტეტმა ახალი კვლევითი ცენტრის მშენებლობა დაიწყო

ბათუმის შოთა რუსთაველის სახელმწიფო უნივერსიტეტმა ქობულეთში ფიტოპათოლოგიისა და ბიომრავალფეროვნების კვლევითი ინსტიტუტის ახალი, თანამედროვე ცენტრის მშენებლობა დაიწყო. ცენტრის მშენებლობას საძირკველი დღეს, 18 ოქტომბერს ჩაეყარა.

ოფიციალური ინფორმაციით, კვლევითი ცენტრის მშენებლობა უნივერსიტეტის ბიუჯეტიდან ერთი მილიონ 578 ათასი ლარით დაფინანსდება,  800 ათასი ლარი კი აჭარის ავტონომიური რესპუბლიკის 2018 წლის ბიუჯეტშია გათვალისწინებული.

„ფიტოპათოლოგიისა და ბიომრავალფეროვნების კვლევითი ინსტიტუტის ახალი ცენტრი 1100 კვ.მ ფართობზე, სამსართულიან  შენობაში განთავსდება, რომელიც პროექტის მიხედვით, მთლიანად შეესაბამება საერთაშორისო სტანდარტებს და ითვალისწინებს კვლევითი სფეროს სპეციფიკისათვის საჭირო ინფრასტრუქტურას“.

ბსუს-ს ინფორმაციით, ინსტიტუტში განთავსდება მოლეკულური ბიოლოგიის ლაბორატორია, მიკრობიოლოგიის ლაბორატორია, მიკოლოგიის ლაბორატორია, ბიომრავალფეროვნების კვლევის ლაბორატორია და სამკურნალო მცენარეთა ლაბორატორია. 5.2 ჰ მიწის ფართობზე კი საცდელი ნაკვეთი უნდა განთავსდეს, სადაც ერთწლიანი და მრავალწლიანი მცენარეების კვლევა იწარმოებს.

კვლევითი ცენტრის მშენებლობას სამშენებლო კომპანია ,ვექტორი“ ახორციელებს. მშენებლობა 2018 წლის ივნისში უნდა დასრულდეს.

ახალი კვლევითი ცენტრის საძირკვლის ჩაყრას მთავრობის თავმჯდომარე ზურაბ პატარაძე, განათლების მინისტრი ინგა შამილიშვილი და უმაღლესი საბჭოს თავმჯდომარე დავით გაბაიძეც ესწრებოდნენ.

ახალი კვლევითი ცენტრის საძირკვლის ჩაყრას მთავრობის თავმჯდომარე, ზურაბ პატარაძე, განათლების მინისტრი, ინგა შამილიშვილი და უმაღლესი საბჭოს თავმჯდომარე, დავით გაბაიძეც ესწრებოდნენ.

გადაბეჭდვის წესი


ასევე: