სარფში მოქალაქეს დიდი ოდენობით ოქროს ნაკეთობები აღმოუჩინეს

საბაჟო გამშვებ პუნქტში „სარფი“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, აზერბაიჯანის მოქალაქის ნ.მ-ს, ფიზიკური დათვალიერების შედეგად, დიდი ოდენობით ოქროს ნაკეთობები (საერთო წონა 554.15 გრამი) აღმოაჩინეს.

შემოსავლების სამსახურის ინფორმაციით, საქონლის საბაჟო ღირებულებამ 32,850 ლარი შეადგინა.

საქმე, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან