ბათუმში ავარიის შედეგად ახალგაზრდა კაცი გარდაიცვალა


ბათუმში, აეროპორტის გზატკეცილზე ერთმანეთს ტრაილერი და მსუბუქი ავტომანქანა შეეჯახა. შემთხვევის შედეგად, მსუბუქი ავტომანქანის მძღოლი გარდაიცვალა. სატვირთო მანქანის მძღოლი კი საავადმყოფოში გადაიყვანეს.

ბათუმის სასწრაფო-სამედიცინო დახმარების სამსახურში გვითხრეს, რომ ექიმებს ერთი პირი გარდაცვლილი დახვდათ, ხოლო მეორე ქალა ტვინის დაზიანებით გადაიყვანეს ბათუმის რეფერალურ საავადმყოფოში.

შინაგან საქმეთა სამინისტროს ინფორმაციით, დაწყებულია გამოძიება 276-ე მუხლის მე-5 ნაწილით, რაც ავტოსატრანსპორტო მართვის საშუალების ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

ნეტგაზეთის მასალების სხვა გამოცემებში გადაბეჭდვის წესი
ავტორი