დღეს ყველას შეუძლია სხვადასხვა ქალაქში უამრავი ფოტოს გადაღება, მაგრამ ოდესღაც ყველაზე დიდი და ცნობილი ქალაქების კადრებიც კი დიდი იშვიათობა იყო. ქვემოთ მოცემული ფოტოების საშუალებით შეგვიძლია ვნახოთ ასზე მეტი წლის წინანდელი, მსოფლიოს დიდი ქალაქების პირველი კადრები.
მას შემდეგ, რაც ფრანგმა ფოტოგრაფმა, ლუი ჟაკ მანდე დაგერმა დაგეროტიპის პროცესი სრულყო, ეს მეთოდი მალევე გავრცელდა 1840-1850 იან წლებში. კამერა ობსკურაში ექსპონირების შემდეგ ფირფიტა ვერცხლისწყლის ორთქლით მჟღავნდებოდა. პოზიტიური გამოსახულების, დაგეროტიპის გამრავლება შეუძლებელი იყო.
ბომბეი. 1850 წელი
უცნობი ფოტოგრაფის ფოტო ინდოეთში, ბრიტანეთის მმართველობის დროსაა გადაღებული. გუმბათიანი შენობა, რომელიც შოტლანდიური ტაძრის გვერდით მოჩანს, ყინულის სახლია, სადაც ჩრდილოეთ ამერიკიდან ჩამოტანილი ყინული ინახებოდა.
პარიზი. 1839 წელი
პარიზის ყველაზე ძველი ფოტო 1839 წელსაა გადაღებული და ლუი ჟაკ მანდე დაგერს ეკუთვნის. ეს არის ასევე ყველაზე ძველი ფოტო, რომელზეც ადამიანის გამოსახულება ჩანს: ფოტოს მარცხენა, ქვედა კუთხეში ფეხსაცმლის მწმენდავს ვხედავთ მუშაობის პროცესში.
ნიუ-იორკი. 1848 წელი
მანჰეტენის ვესტ-საიდი: გორაკზე ფერმა ჩანს, დაბლა კი ქუჩა გადის, რომელიც მოგვიანებით ბროდვეიდ იქცა.
ბოსტონი. 1860 წელი
გარდა იმისა, რომ ეს ბოსტონის ყველაზე ძველი ფოტოა, არის ასევე საჰაერო ბუშტიდან გადაღებული ყველაზე ძველი კადრი.
ჩიკაგო. 1855 წელი
შენობა, რომელსაც ფოტოზე ვხედავთ 1871 წელს ჩიკაგოს ხანძარს შეეწირა.