ხალას მეჩეთს რეაბილიტაცია ჩაუტარდება

ქობულეთის მუნიციპალიტეტის სოფელ ხალაში მეჩეთის რეაბილიტაცია იგეგმება. აჭარის კულტურული მემკვიდრეობის დაცვის სააგენტოს ინფორმაციით მეჩეთი, რომელიც კულტურული მემკვიდრეობის ძეგლია, ავარიულ მდგომარეობაშია.

ხალას მეჩეთის სარემონტო სამუშაოებს სააგენტო ტენდერით შეისყიდის, რისთვისაც 28 ათასი ლარია გათვალისწინებული.

ძეგლზე ჩატარდება შემდეგი სამუშაოები: არსებული სახურავის დემონტაჟი; ლამინირებული პარკეტის ფილის მოწყობა იატაკებზე; შეკიდული ჭერის მოწყობა მუყაოთაბაშირის ფილებით ლითონის კარკასზე; ლითონის კარების მოწყობა და შეღებვა; ხის კონსტრუქციების ცეცხლდაცვა; სახურავის ბურულის  მოწყობა მწვანე ფერის პროფილური ფენილით და სხვა.

სამუშაოები ხელშეკრულების გაფორმებიდან 2017 წლის 15 დეკემბრამდე უნდა დასრულდეს.

ხალას მეჩეთი / ფოტო: აჭარის კულტურული მემკვიდრეობის დაცვის სააგენტო

ხალას მეჩეთი / ფოტო: აჭარის კულტურული მემკვიდრეობის დაცვის სააგენტო

xalaa

სოფელი ხალა / ფოტო „ბათუმელების“ არქივიდან

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com