მთავარი,რეკლამა,სიახლეები

რა ინფრასტრუქტურული პროექტები განხორციელდება აჭარის მუნიციპალიტეტებში 2017 წელს

30.09.2017 • 3059
რა ინფრასტრუქტურული პროექტები განხორციელდება აჭარის მუნიციპალიტეტებში 2017 წელს

მიმდინარე წელს აჭარის არ საავტომობილო გზებისა და სამელიორაციო სისტემების მართვის დეპარტამენტი საგზაო სამუშაოების განხორციელებასა და მოვლაში 50 მილიონზე მეტ ლარს დახარჯავს.

ყველა მუნიციპალიტეტში ერთდროულად მიმდინარეობს რამდენიმე ათეული პროექტი. ამჯერად ინფორმაციას მოგაწვდით აჭარის თითოეულ მუნიციპალიტეტში  დაგეგმილ და მიმდინარე  პროექტებზე, რომლებსაც აჭარის ავტონომიური რესპუბლიკის საავტომობილო გზებისა და სამელიორაციო სისტემების მართვის დეპარტამენტი ახორციელებს უშუალოდ ან ზედამხედველობს.

ქობულეთის მუნიციპალიტეტში მუხაესტატე-ძიძიგურები საავტომობილო გზის დასრულებული მონაკვეთი

ქობულეთის მუნიციპალიტეტში მუხაესტატე-ძიძიგურები საავტომობილო გზის დასრულებული მონაკვეთი

აქ ჩამოთვლილი სამუშაოებიდან 85 % უკვე დასრულებულია, დანარჩენის განხორციელება კი, გეგმის მიხედვით მიმდინარეობს და  მათ შესახებ მოსახლეობას კალენდარული წლის დასასრულს ვაცნობებთ.

 ქობულეთის მუნიციპალიტეტში

აჭარის არ საავტომობილო გზებისა და სამელიორაციო სისტემების მართვის დეპარტამენტის 2017 წლის ბუჯეტით ქობულეთის მუნიციპალიტეტში გათვალისწინებულია 36 კილომეტრამდე  ასფალტობეტონის საფარის მოწყობა, 4 ახალი ხიდის მშენებლობა და 3 არსებული ხიდის რეაბილიტაცია , 53 ერთეული ხელოვნური ნაგებობის მშენებლობა-მოწყობა და 19,3 კმ ბეტონის საფარის მოწყობა.

სულ ქობულეთის მუნიციპალიტეტში 2017 წელს საგზაო ინფრასტრუქტურული პროექტებისათვის გამოყოფილია 14 387 799 ლარი.

ხელვაჩაურის მუნიციპალიტეტში

ხელვაჩაურის მუნიციპალიტეტში აჭარის არ საავტომობილო გზებისა და სამელიორაციო სისტემების მართვის დეპარტამენტის 2017 წლის განმავლობაში დააგებს  32  კმ-მდე მოასფალტებულ გზას. ააშენებს ოთხ ახალ ხიდს, ხოლო არსებულ ოთხს რეაბილიტაციას ჩაუტარებს; მოხდება 8 კილომეტრამდე საშრობი არხის რეკონტსტრუქცია და 16 კილომეტრამდე ბეტონის საფარის დაგება.

ხელვაჩაურის მუნიციპალიტეტში განახლება-სამება საავტომობილო გზის დასრულებული მონაკვეთი

ხელვაჩაურის მუნიციპალიტეტში განახლება-სამება საავტომობილო გზის დასრულებული მონაკვეთი

სულ ხელვაჩაურის მუნიციპალიტეტში 2017 წელს საგზაო ინფრასტრუქტურული პროექტებისათვის გამოყოფილია 13 მილიონამდე ლარი.

 

ქედის მუნიციპალიტეტში

აჭარის არ საავტომობილო გზებისა და სამელიორაციო სისტემების მართვის დეპარტამენტის 2017 წლის ბიუჯეტით, ქედის მუნიციპალიტეტში გათვალისწინებულია: 7 კმ-დე ასფალტობეტონის საფარის მოწყობა, 2 ახალი ხიდის მშენებლობა და 3 არსებული ხიდის რეაბილიტაცია, 33 ერთეული ხელოვნური ნაგებობების მშენებლობა-მოწყობა, 24 კმ სიგრძის სამელიორაციო არხის რეკონსტრუქცია და 16 კმ-მდე ბეტონის საფარის მოწყობა.

ქედის მუნიციპალიტეტში ქედა - მერისის მიმართულებით დასრულებული გზის მონაკვეთი

ქედის მუნიციპალიტეტში ქედა – მერისის მიმართულებით დასრულებული გზის მონაკვეთი

სულ ქედის მუნიციპალიტეტში 2017 წელს საგზაო ინფრასტრუქტურული პროექტებისათვის გამოყოფილია 6 912 210 მილიონამდე ლარი.

 

შუახევის მუნიციპალიტეში

შუახევის მუნიციპალიტეტში 2017 წელს საგზაო ინფრასტრუქტურული პროექტებისათვის გამოყოფილია 8 მილიონამდე ლარი.

საავტომობილო გზებისა და სამელიორაციო სისტემების მართვის დეპარტამენტი შუახევის მუნიციპალიტეტში დააგებს  10 კმ ასფალტობეტონის გზის საფარს, ააშენებს 3 ახალ ხიდს და 2 არსებულ ხიდს რეაბილიტაციას ჩაუტარებს. აშენდება ან მოეწყობა 41 ერთეული ხელოვნური ნაგებობება, მოხდება 23 კმ სიგრძის სამელიორაციო არხის რეკონსტრუქცია და 15 კმ-ზე მეტი ბეტონის საფარი დაიგება.

 

ხულოს მუნიციპალიტეტში

 ხულოს მუნიციპალიტეტში 2017 წელს „საგზაო ტექნიკის შეძენა“ და „საგზაო და სამელიორაციო ინფრასტრუქტურის მოვლა-შენახვა“ ქვეპროგრამების ჩათვლით შვიდ მილიონამდე ლარია გამოყოფილი.

ხულოს მუნიციპალიტეტში ხულო ძირკვაძეების მიმართულებიტ დასრულებული გზის მონაკვეთი

ხულოს მუნიციპალიტეტში ხულო – ძირკვაძეების მიმართულებიტ დასრულებული გზის მონაკვეთი

დაგეგმილია შვიდი კილომეტრი ასფალტობეტონის საფარის მოწყობა და ერთი  კმ. სიგრძის სრულიად ახალი გზის გაყვანა.

აშენდება ერთი ახალი ხიდი, აშენდება ან მოეწყობა 44 ერთეული ხელოვნური ნაგებობა. ასევე დაგეგმილია 25 კილომეტრი ბეტონის საფარის მოწყობა და   17 კმ სიგრძის სამელიორაციო არხის რეკონსტრუქცია.

გადაბეჭდვის წესი


ასევე: