ამერიკის კონსული მწვანე ბარათის მიღების წესებზე

დღეს ბათუმის ამერიკულ კუთხეში აშშ-ს კონსულმა საქართველოში „მწვანე ბარათის“ მოპოვებისთვის საჭირო პროცედურებზე ისაუბრა. შეხვედრაზე მან დეტალურად განუმარტა აუდიტორიას აპლიკაციის შევსების წესები. გარდა ამისა, კონსულმა უპასუხა შეკითხვებსაც, თუ რა შესაძლებლობები ეძლევათ ბარათის გათამაშების გამარჯვებულებს.

კონსულის ინფორმაციით, ამერიკის საელჩო საქართველოს მოქალაქეებს განაცხადის ქართულად შევსების საშუალებას აძლევს. მისივე ინფორმაციით, ბოლო სამი წლის განმავლობაში საქართველოდან მწვანე ბარათი ცხრაასზე მეტმა პირმა მიიღო.

რა არის მწვანე ბარათი

„მწვანე ბარათის“ გათამაშების (DV) პროგრამა, რომლის მიხედვითაც ყოველწლიური გათამაშების გზით   55 000 საიმიგრაციო ვიზა იქნებოდა ხელმისაწვდომი,  1990 წლის საიმიგრაციო კანონის შესაბამისად დაარსდა. გათამაშების მიზანს წარმოადგენს შეერთებულ შტატებში იმიგრანტი მოსახლეობის დივერსიფიცირება, კანდიდატების შერჩევით ძირითადად იმ ქვეყნებიდან, სადაც ბოლო ხუთი წლის განმავლობაში აშშ-ში იმიგრირებულთა რაოდენობის დაბალი მაჩვენებელი ფიქსირდება.

მწვანე ბარათის გათამაშების საიმიგრაციო ვიზაზე განაცხადის შესატანად, 2019 წლის „მწვანე ბარათის“ გათამაშების ინსტრუქცია გამოქვეყნებულია შემდეგ ბმულზე: ქართულად ან ინგლისურად.

2019 წლის გათამაშების პროგრამისთვის რეგისტრაცია დაიწყება 2017 წლის 3 ოქტომბერს, 20:00 საათზე [თბილისის დროით] და დასრულდება 2017 წლის 7 ნოემბერს, 20:00 საათზე.

რეგისტრაციის დასრულების შემდეგ, 2018 წლის 1-ელი მაისიდან ბარათის მიღების მსურველები შეძლებენ სტატუსის გადამოწმებას გათამაშების ვებგვერდზე: www.dvlottery.state.gov

ნეტგაზეთის მასალების სხვა გამოცემებში გადაბეჭდვის წესი
ავტორი