ბათუმში, აეროპორტის გზატკეცილზე ორი მსუბუქი ავტომანქანა შეეჯახა ერთმანეთს. დაშავდა ოთხი ადამიანი. ოთხივე მათგანი საავადმყოფოში გადაიყვანეს, მათ შორის ერთის მდგომარეობა მძიმეა. ის ბათუმის რეფერალურ საავადმყოფოშია მოთავსებული.
შინაგან საქმეთა სამინისტროს ინფორმაციით, დაწყებულია გამოძიება სისხლის სამართლის კოდექსის 276-ე მუხლით. ეს მუხლი ითვალისწინებს ჯარიმას, თავისუფლების შეზღუდვას, ან თავისუფლების აღკვეთას ერთიდან სამ წლამდე.
