ბულვარის ადმინისტრაციაში „ბათუმელებს“ უთხრეს, რომ აღნიშნული ტერიტორია ბულვარის ადმინისტრაციულ საზღვრებში არ შედის და განათების ბოძების განახლებაზე ქალაქის მერიამ უნდა იზრუნოს. ბათუმის მერიაში კი განაცხადეს, რომ ტერიტორია ბათუმის ნავსადგურს ეკუთვნის და ადგილობრივ ბიუჯეტში განათების განახლებაზე თანხა გათვალისწინებული არ არის. „ბათუმელები“ ნავსადგურის ადმინისტრაციასაც დაუკავშირდა, თუმცა დაზიანებული ბოძების განახლებაზე პასუხისმგებლობას არც ისინი იღებენ: „ეს ტერიტორია ნავსადგურის საზღვრებში არ შედის“ – ამბობენ ნავსადგურში.