„მაჭახლობა 2017“ – რა კეთდება მაჭახელას ხეობის განვითარებისთვის

„მაჭახლობა 2017“

აჭარის მთავრობის თავმჯდომარე, ზურაბ პატარაძე, სახალხო დღესასწაულს ,,მაჭახლობა-2017“-ს დაესწრო და ადგილობრივებს ხეობის მთავარი დღესასწაული მიულოცა.

,,ყველას მინდა მოგილოცოთ დღევანდელი დღესასწაული – მაჭახლობა. მეორედ მომეცა საშუალება ყველა თქვენგანს მივულოცო ნამდვილად ულამაზესი დღესასწაული. შარშან წილად მხვდა ბედნიერება, გავმხდარიყავი „საპატიო მაჭახელელი“. როცა ვსაუბრობთ მაღალმთიანი აჭარის გაძლიერებასა და განვითარებაზე, ეს რა თქმა უნდა, ეხება ასევე მაჭახელას ხეობას, საიდანაც ჩვენი მხარდაჭერით, 9 სოფელს მიენიჭა მაღალმთიანი სოფლის სტატუსი და მოხერხდა ის, რომ ადგილობრივი მოსახლეობა ისარგებლებს ყველა არსებული შეღავათით და შეიმსუბუქებს ყოფას. ჩვენ გვჭირდება გავაძლიეროთ მაღალმთიანი მოსახლეობა, დაწყებული ხელვაჩაურის მუნიციპალიტეტიდან ზევით, მაღალმთიან აჭარაში. სწორედ ხელვაჩაურის მუნიციპალიტეტიდან, სალიბაურიდან იწყება პირველ ეტაპზე ხიჭაურის მიმართულებით გაზის მილის გზის მშენებლობა. ეს არის ძალიან მნიშვნელოვანი გზა, რომელიც არის წარმატების გზა და განვითარების გზა,“- აღნიშნა მილოცვაში ზურაბ პატარაძემ.

ზურაბ პატარაძე სახალხო დღესასწაულს ,,მაჭახლობა-2017“ დაესწრო და ადგილობრივებს ხეობის მთავარი დღესასწაული მიულოცა.

ზურაბ პატარაძე სახალხო დღესასწაულს, ,,მაჭახლობა-2017“-ს, დაესწრო და ადგილობრივებს ხეობის მთავარი დღესასწაული მიულოცა.

დღესასწაულის ფარგლებში ღია ცის ქვეშ წარმოდგენილი იყო ამ ხეობის ყველა სოფლისთვის დამახასიათებელი ეთნოგრაფიული, ადგილობრივი რეწვის ნიმუშები, დაამზადეს და დააგემოვნეს ადგილობრივი კულინარიული ნაწარმი. ასევე, მოეწყო სპორტული აქტივობები და სასცენო წარმოდგენები, რომლებიც ხეობისთვის დამახასიათებელ კულტურას, ეთნოგრაფიას და ტრადიციებს ასახავს. ადგილობრივმა ფოლკლორულმა და ქორეოგრაფიულმა ანსამბლებმა გამართეს კონცერტი. ღონისძიების დასასრულს საპატიო სტუმარი და საპატიო მაჭახელელი დააჯილდოვეს.

ხეობის „საპატიო სტუმრებად“ წელს აჭარის ავტონომიური რესპუბლიკის უმაღლესი საბჭოს თავმჯდომარე, დავით გაბაიძე, აჭარის სოფლის მეურნეობის მინისტრ,ი ავთანდილ მესხიძე და აჭარის ჯანდაცვის მინისტრი, ზაალ მიქელაძე დასახელდნენ, ხოლო „საპატიო მაჭახელელის“ წოდება ღვაწლმოსილ პედაგოგს ნოდარ კოპინაძეს მიანიჭეს.

მაჭახლობა (6)

სახალხო ზეიმი 2007 წლიდან იმართება მაჭახელას ხეობის სხვადასხვა სოფელში, რაც მიზნად ისახავს თურქეთისა და საქართველოს მაჭახელას სოფლების მოსახლეობის შეხვედრას, საპატიო მაჭახელელისა და საპატიო სტუმრების გამოვლენას.

ღონისძიებას აღმასრულებელი და საკანონმდებლო ხელისუფლების წარმომადგენლები ესწრებოდნენ.

რა კეთდება მაჭახელას ხეობის განვითარებისთვის

ხელვაჩაურის მუნიციპალიტეტში ერთ-ერთ ყველაზე მაღალ და ტურისტულად მიმზიდველ მაჭახელას ხეობაში, აჭარის მთავრობის მხარდაჭერით, არაერთი პროექტი ხორციელდება  ადგილობრივი მოსახლეობის კეთილდღეობისა და ხეობის განვითარება-წინსვლისთვის.

მაჭახელას ხეობის მიმართულებით მიმდინარე წელს საგზაო-ინფრასტრუქტურის გაუმჯობესების ფარგლებში ათეულობით პროექტი განხორციელდა

მაჭახელას ხეობის მიმართულებით მიმდინარე წელს, საგზაო-ინფრასტრუქტურის გაუმჯობესების მიზნით, ათეულობით პროექტი განხორციელდა

მაჭახელას ხეობის მიმართულებით მიმდინარე წელს საგზაო-ინფრასტრუქტურის  შემდეგი  სამუშაოები განხორციელდა
  • სოფ. ქედქედში რეაბილიტაცია ჩაუტარდა არსებულ ხიდს
  • ჩხუტუნეთი-გორგაძეთის მიმართულებით მოეწყო 2 ახალი ხიდი
  • კირნათის გზა-ჩხუტუნეთის გზაზე 2 მიმართულებაზე დაიგო 3400 მეტრი სიგრძის და 2830 მეტრი სიგრძის ასფალტის საფარი, მოეწყო საყრდენი კედლები.
  • ზედა ჩხუტუნეთის გზაზე მოეწყო გაბიონის საყრდენი კედელი.
  • ხეობაში სულ 20 მიმართულებაზე დაიგო 3500 მეტრი სიგრძის ბეტონის საფარი.
  • მაჭახელას ხეობისათვის ბიუჯეტიდან ამ ეტაპზე დაიხარჯა 1 880 560 ლარი. სამუშაოები ჯერ კიდევ მიმდინარეობს.

მაჭახელას ხეობა გახდა ერთ-ერთი მოთხოვნადი და პოპულარული ტურისტული მიმართულება

  • აჭარის ტურიზმისა და კურორტების დეპარტამენტის მიერ შემუშავებულ იქნა ორი ტურისტული მარშრუტი მაჭახელას ხეობაში: მაჭახელას თოფის ტურისტული მარშრუტი და მირვეთის ველომარშრუტი.
  • მაჭახელას მარშრუტების პოპულარიზაციას ეწევა ტურიზმის დეპარტამენტი მის მიერ განხორციელებულ ყველა სარეკლამო და მარკეტინგულ ღონისძიებაში, მარშრუტები დატანილია რუკებზე, აჭარის ტურიზმის ყველა საინფორმაციო ცენტრში ტურისტებს აწვდიან ინფორმაციას ამის შესახებ.
  • მაჭახელას ტურისტული მარშრუტის შექმნის შემდეგ ორჯერ გაიზარდა სასტუმრო სახლების რაოდენობაც და ღამისთევის სტატისტიკაც ხელვაჩაურის მუნიციპალიტეტში.

აჭარის მთავრობის უშუალო ძალისხმევითა და მხარდაჭერით მაჭახელას ხეობაში დამატებით 9 სოფელი ისარგებლებს მთის კანონით გათვალისწინებული შეღავათებით

აჭარის მთავრობის უშუალო ძალისხმევითა და მხარდაჭერით, მაჭახელას ხეობაში დამატებით 9 სოფელი ისარგებლებს მთის კანონით გათვალისწინებული შეღავათებით.

აჭარის მთავრობის უშუალო ძალისხმევითა და მხარდაჭერით, მაჭახელას ხეობაში დამატებით 9 სოფელი ( ქედქედი, სინდიეთი, აჭარისაღმართი, სკურდიდი, ცხემლარა, ჩიქუნეთი, ქოქოლეთი, ქვედა ჩხუტუნეთი, ზედა ჩხუტუნეთი) ისარგებლებს მთის კანონით გათვალისწინებული შეღავათებით:
ახალი კანონის მიზანია მაღალმთიანი რეგიონებიდან მიგრაციის შეჩერება, მოსახლეობის დაბრუნება სოფლად, ინფრასტრუქტურისა და სოფლის მეურნეობის განვითარება, გარკვეული საგადასახადო შეღავათების დაწესებით მეწარმეობისთვის ხელის შეწყობა, მთიანი რეგიონების მოსახლეობისთვის ღირსეული ცხოვრების პირობების შექმნა.

მაჭახელას ეროვნული პარკის ვიზიტორთა ცენტრი

  • გაეროს განვითარების პროგრამის (UNDP) და გლობალური გარემოსადცვითი ფონდის (GEF) პროექტის ფარგლებში მაჭახელას ხეობაში შენდება ვიზიტორთა ცენტრი.
  • ვიზიტორთა ცენტრი მოემსახურება მაჭახელას დაცულ ტერიტორიას და ხელს შეუწყობს ტურისტული სერვისების განვითარებას ხეობაში.
მაჭახელას ეროვნული პარკი რუკაზე

მაჭახელას ეროვნული პარკი რუკაზე

ნეტგაზეთის მასალების სხვა გამოცემებში გადაბეჭდვის წესი
ავტორი