მთავარი,სიახლეები

ქართველი მებაჟეები თურქულ მხარესთან მოლაპარაკებას მართავენ

25.09.2017 • 3179
ქართველი მებაჟეები თურქულ მხარესთან მოლაპარაკებას მართავენ

„ამ წუთებში სარფის საბჟო გახსნილია და მოქალაქეები თავისუფლად გადაადგილდებიან. ქართველი მებაჟეები იმყოფებიან თურქეთის მხარეს და მიმდინარეობს მოლაპარაკება,“ – ამბობს შემოსავლების სამსახურის საზოგადოებასთან ურთიერთობის სამსახურის უფროსი, ხატია მოისწრაფიშვილი.

ხატია მოსწრაფიშვილის თქმით, მოლაპარაკების საგანი თურქეთის საბაჟოს მხრიდან განმარტების მიღებაა, რატომ შეაჩერეს  საქართველოს მოქალაქეები: „დღევანდელი შეფერხება არ მომხდარა საბაჟოს სარეაბილიტაციო სამუშაოების გამო. ინციდენტის მიზეზი, სავარაუდოდ, დიდი რაოდენობით სიგარეტის გადატანა გახდა, თუმცა თურქმა მებაჟეებმა მოქალაქეებს არ მისცეს საშუალება ნეიტრალურ ზონაში ნაყიდი სიგარეტი გადაეტანათ თურქეთში“.

საქართველოს მოქალაქეებმა, ვისაც დღეს საზღვრის გადაკვეთის პრობლემა შეექმნა, მებაჟეების მხრიდან ფიზიკურ შეურაცხყოფაზეც საუბრობენ. ადგილზე მისულია თურქეთის საკონსულოს წარმომადგენლები, თუმცა ამ დროისთვის საკონსულო კომენტარს არ აკეთებს.

„ჩვენ არ ვართ ჩართული ამ პროცესში, მიმართეთ თურქეთის საკონსულოს, ვერაფერს გეტყვით,“ – უთხრეს „ბათუმელებს“ თურქეთის სალეჩოში.

„აჭარის ტელევიზიის“ ჟურნალისტების ფიზიკურ შეურაცხყოფაზე, პასპორტის და მობილური ტელეფონის ჩამორთმევაზე გამოძიება დაიწყო. შინაგან საქმეთა სამინისტროს ინფორმაციით, გამოძიება 126-ე მუხლით დაიწყო, რაც ძალადობას გულისხმობს. საქმე, როგორც ჟურნალისტების, ასევე იმ მოქალაქეებთან მიმართებაში აღიძრა, რომლებიც აცხადებენ, რომ საბაჟოზე ფიზიკური შეურაცხყოფა მიაყენეს.

გამოძიება არ დაწყებულა სისხლის სამართლის კოდექსის 154-ე მუხლის მიხედვით, რაც ჟურნალისტისთვის პროფესიულ საქმიანობაში უკანონოდ ხელის შეშლას გულისხმობს.

 

გადაბეჭდვის წესი


ასევე: