რუსთაველის უნივერსიტეტში გიორგი კეკელიძე და თამთა მელაშვილი სტუდენტებს შეხვდებიან

დღეს 25 სექტემბერს, ბათუმის რუსთაველის სახელობის უნივერსიტეტში ახალი სასწავლო წელი დაიწყო. პირველ საათზე უნივერსიტეტის ფოიეში დაგეგმილია შეხვედრა ორ ქართველ მწერალთან, გიორგი კეკელიძესა და თამთა მელაშვილთან. შეხვედრაზე დასწრება თავისუფალია.

ოფიციალური ინფორმაციით, წელს რუსთაველის უნივერსიტეტმა 1241 პირველკურსელი მიიღო. აქედან სასწავლო გრანტი 87-მა სტუდენტმა აიღო, ხოლო ათ უფასო საგანმანათლებლო პროგრამაზე 423 სტუდენტი ისწავლის.

ბსუ

ბსუ

უნივერსიტეტის ადმინისტრაციის ინფორმაციით, მიმდინარე წელს ლეონიძის ქუჩაზე ახალი თანამედროვე სტანდარტების სტუდენტთა საერთო საცხოვრებელის მშენებლობა  და ქობულეთში ფიტოპათოლოგიისა და ბიომრავალფეროვნების ინსტიტუტის ახალი ცენტრის მშენებლობა იწყება. „ახალი სასწავლო წლისთვის კი ამოქმედდება უახლესი აპარატურით აღჭურვილი ზოგადი ბიოლოგიის ლაბორატორია და ორი ინ-ვიტრო ლაბორატორია საბუნებისმეტყველო მეცნიერებათა და ჯანდაცვის ფაკულტეტზე.

გამოფენა ბსუ-ს ეზოში

გამოფენა ბსუ-ს ეზოში

გარდა ამისა, აგრარული მიმართულების სტუდენტებისთვის იხსნება სათბური, სადაც სტუდენტები სასწავლო პრაქტიკას გაივლიან“-აცხადებენ უნივერსიტეტში.

ადმინისტრაციის ინფორმაციით, წინა წლებისგან განსხვავებით, ერთსტუდენტიანი ფაკულტეტები აღარ აქვს. ბოლო სამი წლის განმავლობაში ფიზიკის ფაკულტეტზე მხოლოდ თითო სტუდენტი ირიცხებოდა, „წელს კი ფიზიკის ფაკულტეტზე 4 სტუდენტი ჩაირიცხა“.

ბსუ

ბსუ

 

 

 

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com