მთავარი,სიახლეები

ბათუმის ციხის ადმინისტრაცია სასამართლომ 800 ლარით დააჯარიმა

24.09.2017 • 1759
ბათუმის ციხის ადმინისტრაცია სასამართლომ 800 ლარით დააჯარიმა

მოსამართლე ინდირა მაშანეიშვილმა 800 ლარით დააჯარიმა სასჯელაღსრულების მესამე დაწესებულება. ბათუმის ციხემ ერთ-ერთი მსჯავრდებულის შესახებ ინფორმაცია სახალხო დამცველს არ მიაწოდა. ომბუდსმენისთვის ინფორმაციის დამალვა კი დასჯადია.

„ჩვენ ვითხოვდით ინფორმაციას ერთ-ერთ მსჯავრდებულზე, რომელიც გვწერდა, რომ შეეზღუდა სასამართლოსთვის მიმართვის უფლება. ამბობდა, რომ მის საჩივარს სასამართლოში ციხის ადმინისტრაცია მიზანმიმართულად არ აგზავნიდა. ჩვენ მე-3 დაწესებულების ადმინისტრაციისგან მოვითხოვეთ ინფორმაციის მიღება, რაზეც გვიპასუხეს, რომ ეს პერსონალური ინფომაციაა და მას ვერ მივიღებდით,“  – ამბობს მაია ლიპარტელიანი, სახალხო დამცველის მთავარი მრჩეველი იურიდიულ საკითხებში.

მაია ლიპარტელიანის თქმით, ანალოგიური დავა სახალხო დამცველს ჰქონდა მე-8 დაწესებულებასთანაც. ამ შემთხვევაშიც სასამართლომ დააკმაყოფილა ომბუდსმენის სარჩელი.

გადაბეჭდვის წესი


ასევე: