ხელვაჩაურში მაჟორიტარი დეპუტატობის კანდიდატები წარადგინეს

ხელვაჩაურის მუნიციპალიტეტში, ადგილობრივი თვითმმართველობის არჩევნებისთვის „ქართული ოცნება – დემოკრატიული საქართველოს” მაჟორიტარი დეპუტატობის კანდიდატები წარადგინეს.

აჭარის მთავრობის თავმჯდომარე ზურაბ პატარაძემ პარლამენტის წევრ გია ვოლსკისთან, ჯანდაცვის მინისტრთან დავით სერგეენკოსთან, აჭარის უმაღლესი საბჭოს თავმჯდომარე დავით გაბაიძესთან და ხელვაჩაურის მაჟორიტარ დეპუტატებთან ერთად, ადგილობრივ მოსახლეობას ხელვაჩაურის მერობის კანდიდატი ჯუმბერ ვარდმანიძე წარუდგინა.

ზურაბ პატარაძის თქმით, ჯუმბერ ვარდმანიძე ხელვაჩაურის მუნიციპალიტეტს, არსებულ პოტენციალსა და გამოწვევებს კარგად იცნობს, რაც მას დაეხმარება, ხელვაჩაურის მოსახლეობის კეთილდღეობისთვის ყველა საჭირო ღონისძიება განახორციელოს.

ხელვაჩაურში შეკრებულ მოსახლეობას სიტყვით ასევე, მერობის კანდიდატმა მიმართა და მათ ხელვაჩაურის საკრებულოს მაჟორიტარობის კანდიდატები გააცნო.

პარტიის სახელით, ხელვაჩაურში ადმინისტრაციული ერთეულების მაჟორიტარობის კანდიდატები შარაბიძეებში – დავით სამნიძე, მახინჯაურში – თამაზ ბერიძე, ორთაბათუმში – ბადრი ცინცქილაძე, ახალშენში – მინდია დიასამიძე, ფერიაში – ჯემალ მუსხაჯბა, ახალსოფელში – ჯამბულ თავართქილაძე, სარფში – ივერი ვანიძე, თხილნარში – მინდია დიდმანიძე, აჭარისწყალში – ვახტანგ დიასამიძე, კირნათში – ლეილა კახაბერიძე, ხოლო მაჭახელაში – მალხაზ სალვარიძე იქნება.

„ქართული ოცნება – დემოკრატიული საქართველო“

 

 

ნეტგაზეთის მასალების სხვა გამოცემებში გადაბეჭდვის წესი
ავტორი