ხულოს გამგებელი: მთა შავნაბადაზე ცეცხლის გავრცელების საშიშროება ამ ეტაპზე არ არის

ხულოს მუნიციპალიტეტის გამგებლის, ბესიკ ბაუჩაძის ინფორმაციით, მთა შავნაბადაზე მიმდინარეობს მონიტორინგი და ხანძრის გავრცელების საშიშროება არ დგას; „საგანგაშო მდგომარეობა არ არის, ასეთი რამ ჩვეულებრივია ხანძრის შემდგომ. ქრის ქარი, აღვივებს ალაგ-ალაგ და ამოდის კვამლი, თუმცა ასეთ კერებს პარალელურად აქრობენ, მყისიერად ხდება რეაგირება.“

გამგებლის განცხადებით, შავნაბადაზე ამ დროისთვის ხულოს სამაშველო, სახანძრო და სატყეო ბრიგადები, ასევე ადგილობრივი მოსახლეობა მუშაობს და „სიტუაცია კონტროლზეა აყვანილი“. მისივე თქმით, ამ ეტაპზე შავნაბადაზე დამატებითი ძალების მობილიზების აუცილებლობა არ დგას.


ხულოს მუნიციპალიტეტის ღორჯომის თემში, მთა შავნაბადაზე ხანძარი 3 სექტემბერს გაჩნდა. ხანძარს 5 დღის განმავლობაში აქრობდნენ.

მთავარი ფოტო: ხანძარი მთა შავნაბადაზე / ფოტო „ბათუმელების“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com