შუახევის გამგებლის, ტარიელ ებრალიძის ინფორმაციით, საყარაულოს ტყეში ხანძარი ჩამქრალია. ხანძრის შედეგად 400 კვადრატულ მეტრომდე ტყე განადგურდა.
„ცეცხლის ლიკვიდაციას რამდენიმე საათი დასჭირდა, ფაქტობრივად მთელი ღამის განმავლობაში მიმდინარეობდა სამუშაოები, სახანძრო-სამაშველო სამსახურის თანამშრომლებთან ერთად ცეცხლს ადგილობრივი მოსახლეობა და სატყეო სააგენტოს თანამშრომლები აქრობდნენ, ცეცხლის ყოფილ კერებზე კი ამ დროისთვის პრევენციული ღონისძიებები ტარდება, განაცხადა“ – შუახევის გამგებელმა.
ხანძარი შუბნის თემის სოფელ დარჩიძეების ტყის მასივში გუშინ, 11 სექტემბერს, საღამოს გაჩნდა. შუახევის მუნიციპალიტეტში, ტყეში ხანძარი სექტემბრის თვეში მეორედ გაჩნდა.
ფოტოზე: ხანძარი სოფელ დაბასთან. ფოტო: ნეტგაზეთი
