„ქობულეთში მანდარინის მიმღები საწარმო გავხსენით, პირველად ხდება წელს მანდარინის პარაფირება, ნედლეულის მიღება, დამუშავება, შეფუთვა.
რადგან შარშან ყინვის გამო გაუფუჭდათ მანდარინი, დაზღვევამდეც კი მივედით – რისი 80%-ც სახელმწიფომ გადაიხადა, ხუთი – მოსახლეობამ. ჩვენ გადავეცით ობიექტები იმისთვის, რომ გახსნილიყო დამკალიბებელი ობიექტები, რამდენიმე დაგვიბრუნდა უკან, მაგრამ 16 ობიექტი მაინც ამუშავდა.
…მოსახლეობას ვეუბნები, უნდა ვისწავლოთ ჩვენც პასუხისმგებლობის ჩვენს თავზე აღება.
შარშან მიწის დამუშავება სახელმწიფომ გააკეთა, შხამქიმიკატებისა და ხელსაწყოებისთვის თანხა სახელმწიფომ გამოყო გლეხს, ყუთის პრობლემაც მოვაგვარეთ. პლასტმასის, მუყაოს და ხის, სამივე სახეობის ყუთი მოვამზადეთ. ბოლოს გლეხებისგან მოვისმინეთ , ბაღში სამუშაო ყუთი არ გვაქვსო, რა მთავრობა ხართ სამუშაო ყუთი რომ არ გვაქვსო. წელს საამქრომ მარაგის სახით ეს ყუთებიც გამოუშვა და მათ ვინც მასთან აბარებს მანდარინს, აწვდის ამ ყუთებს. ამ წარმატებას ყველამ უნდა შევხედოთ თვალებში, ჟურნალისტმაც, სახელმწიფო მოხელემაც, გლეხმაც და თქვას რომ ასეთი არ ყოფილა ბოლო 25 წლის განმავლობაში.
დღეს რომ დეფიციტია სტანდარტული მანდარინის, ასეთი არასროს არ ყოფილა, სოფელ-სოფელ დადიან შემსყიდველები და ვერ პოულობენ მანდარინს. იმიტომ რომ გარკვეული რაოდენობა შეინახა ხალხმა. იცით ალბათ რომ ინახავენ და იანვარში ან თებერვალში გადაყიდიან. ამიტომ წლევანდელი სეზონი სოფლის მეურნეობის და ციტრუსის კუთხით მე ვფიქრობ არის საამაყო. ვერც ერთი ოპონენტი, ვერც ნაციონალური მოძრაობიდან და ვერც სხვა პარტიებიდან წელს ვერ ამბობს, რომ პრობლემები არის. მე არ ვამობს უმნიშვნელოს ტექნიკურს. ერთი დღე გაზი არ იყო, ვერ მიიღო საამქრომ მანდარინი, რიგები დადგებოდა, გეთანხმებით, ტექნიკური გადაიარაღების ან წვიმების დროს ჩვეულებრივი მომენტია და არგუმენტი ამასთან დაკავშირებით აქვს ორივე საამქროს.
მეტი სახელმწიფომ რა უნდა გააკეთოს, უნდა შექმნას პირობა, რომ გლეხმა ნორმალურად ჩააბაროს მისი მონაგარი. გზები გავხსენით, ლარსი გაიხსნა. ყოველდღიურად იქ ვაკონტროლებთ სიტუაციას რომ მანქანების დაგროვება არ მოხდეს, მთელი მთავრობა, საპატრულო და საბაჟო მობილიზებულია რომ მანდარინი პირველ რიგში გავიდეს იქ. მე ვფიქრობ ეს ყველაფერი საამაყოა.
ერთი რამ მინდა ვუთხრა მკითხველს, რომ შეიძლება ალმასის ან „ხრუსტალის“ სასახლები არ აგვიშენებია და ამ კუთხით არ ვიტრაბახოთ, მაგრამ განსაკუთრებით სოფლის მეურნეობის კუთხით ბევრი საქმე გავაკეთეთ. მომავალში ჩვენ აუცილებლად კიდევ ერთ საწარმოს გავხსნით ხელვაჩაურში, რადგან მხოლოდ ქობულეთში საკმარისი არ არის, ტერიტორიულადაც შორია და თან მოსავალი უფრო მეტი იქნება. ისე გავაკეთებთ, რომ მოსახლეობას პრობლემა არ ქონდეს და ბაზრებს გავხსნით ჩვენ ამისთვის. წელს რუსეთი დაემატა, მომავალში ალბათ უკრაინაც. წელს იცით უკრაინაში რაც ხდება და მანდარინისთვის არავის არ ეცალა. მაგრამ იქაც დავალაგეთ და სიტუაცია გავმართეთ ისე, რომ უპრობლემოდ შედის მანდარინი და განბაჟების ტარიფიც შარშან რაც იყო ის არის“ – განაცხადა არჩილ ხაბაძემ „ბათუმელებთან“ წლის შემაჯამებელ ინტერვიუში.
