ქონების ჩამორთმევა ბათუმსა და ხელვაჩაურში ავტობანის მშენებლობის გამო

ბათუმის შემოვლითი გზის მშენებლობის გამო ბათუმსა და ხელვაჩაურში 19 მისამართზე მოქალაქეებსა და რამდენიმე კომპანიას უძრავ ქონებას [მიწა, შენობა, ნარგავები] ექსპროპრიაციის გზით ჩამოართმევენ.

საქართველოს საავტომობილო გზების დეპარტამენტს შესაბამისი უფლება ეკონომიკისა და მდგრადი განვითარების მინისტრის ბრძანებებით მიენიჭა, რომლებსაც ხელს მინისტრის მოვალეობის შემსრულებელი, ნინო ჯავახაძე აწერს.

„ბათუმის შემოვლითი გზის პროექტის ფარგლებში, დეპარტამენტის მიერ უძრავი ქონების ნებაყოფლობითი გამოსყიდვის შესახებ შეთანხმება მესაკუთრეთა ერთ ნაწილთან მიღწეულია. მოლაპარაკების წარმოების მიუხედავად, მიწის ნაკვეთის გამოსყიდვის შესახებ შეთანხმება ვერ შედგა პროექტის ზემოქმედების არეალში მოქცეულ მესაკუთრეების გარკვეულ ნაწილთან, ესენია:

ნიაზ ჭანიძე, ბიძინა ბეჟანიძე, გოჩა ჯაფარიძე, ლეილა გოგიაშვილი, ჯამბულ ჩიკვაიძე, შპს „ლუგო,“ სს „ავტომობილისტი 96,“ შპს „ჩემპიონი-2“ვახტანგ ართმელაძე, ლია ართმელაძე, მარგო ბერიძე, ნინო ართმელაძე, ტარიელ ართმელაძე; ავთანდილ მახარაძე; ემზარ ბაკურიძე; ლელა ახვლედიანი, რამაზ ახვლედიანი; არჩილ ბერიძე; სერგო იონახი; შადიე ჩიჯავაძე; ლეილა გოგვაძე; შპს „კვადრი“ – აღნიშნულია მინისტრის ბრძანებაში.

ამავე ბრძანებაში აღნიშნულია, რომ „თუ ექსპროპრიატორი და ქონების მესაკუთრე ვერ თანხმდებიან ქონების საბაზრო ღირებულებასა და საკომპენსაციო თანხაზე ან კომპენსაციის სახით შეთავაზებული ქონების გადაცემაზე, მაშინ თითოეულ მხარეს უფლება აქვს სარჩელი შეიტანოს სასამართლოში განსჯადობის მიხედვით, საქართველოს სამოქალაქო კანონმდებლობით დადგენილი წესით.“.

ექსპროპრიაციის უფლება ვრცელდება შემდეგ უძრავ ქონებაზე:

  • ხელვაჩაური, სოფელი განთიადი; მესაკუთრეები ვახტანგ ართმელაძე, ლია ართმელაძე, მარგო ბერიძე, ნინო ართმელაძე და ტარიელ ართმელაძე. საექსპროპრიაციო ფართობი 2018 კვ.მ მიწის ნაკვეთი და მასზე არსებული შენობა-ნაგებობა და ნარგავები;
  • ხელვაჩაური, სოფელი განთიადი; მესაკუთრე ტარიელ ართმელაძე, საექსპროპრიაციო ფართობი 162 კვ.მ მიწის ნაკვეთი და მასზე არსებული ნარგავები;
  • ხელვაჩაური, სოფელი განთიადი; მესაკუთრე ავთანდილ მახარაძე, საექსპროპრიციო ფართობი 1278 კვ.მ მიწის ნაკვეთი და მასზე არსებული ნარგავები;
  • ხელვაჩაური, სოფელი ორთაბათუმი; მესაკუთრე ემზარ ბაკურიძე, საექსპროპრიაციო ფართობი 223 კვ.მ მიწის ნაკვეთი და მასზე არსებული შენობა-ნაგებობა;
  • ქ. ბათუმი, ახალგაზრდობის ქუჩა №30; მესაკუთრე ლელა ახვლედიანი და რამაზ ახვლედიანი, საექსპროპრიაციო ფართობი 221 კვ.მ მიწის ნაკვეთი, მასზე არსებული შენობა-ნაგებობა და ნარგავები;
  • ქ. ბათუმი, ახალგაზრდობის ქუჩა №30ა; მესაკუთრე ლელა ახვლედიანი, საექსპროპრიაციო ფართობი 658 კვ.მ მიწის ნაკვეთი და მასზე არსებული შენობა-ნაგებობა და ნარგავები;
  • ქ. ბათუმი, დასახლება მახინჯაური, ქუჩა ამაღლება, №28-ის მიმდებარედ; მესაკუთრე არჩილ ბერიძე, საექსპროპრიაციო ფართობი 134 კვ.მ მიწის ნაკვეთი და მასზე არსებული ნარგავები;
  • ხელვაჩაური, სოფელი მწვანე კონცხი; მესაკუთრე სერგო იონახი. საექსპროპრიაციო ფართობი 2001 კვ.მ მიწის ნაკვეთი და მასზე არსებული შენობა-ნაგებობა და ნარგავები;
  • ხელვაჩაური, დაბა მახინჯაური, საერთო ფართი 1580 კვ.მ მიწის ნაკვეთი და მასზე არსებული შენობა-ნაგებობა და ნარგავები (საექსპროპრიაციო სრულად), ხელვაჩაური, სოფელი მახინჯაური, მიწის ნაკვეთის 1581 კვ.მ (საექსპროპრიაციო 258 კვ.მ მიწის ნაკვეთი და მასზე არსებული შენობა-ნაგებობა და ნარგავები) და ქალაქი ბათუმი, დაბა მახინჯაური 692 კვ.მ მიწის ნაკვეთი და მასზე არსებული შენობა-ნაგებობა და ნარგავები (საექსპროპრიაციო სრულად) მესაკუთე შადიე ჩიჯავაძე;
  • ქ. ბათუმი, დაბა მახინჯაური, ხიმშიაშვილის ქუჩა №21; მესაკუთრე ლეილა გოგვაძე, საექსპროპრიაციო ფართობი 150 კვ.მ მიწის ნაკვეთი და მასზე არსებული შენობა-ნაგებობა და ნარგავები;
  • ხელვაჩაური, სოფელი წინსვლა/სოფელი სალიბაური; მესაკუთრე შპს „კვადრი“, საექსპროპრიაციო ფართობი 1514 კვ.მ მიწის ნაკვეთი და მასზე არსებული შენობა-ნაგებობა.
  • ხელვაჩაური, სოფელი ორთაბათუმი; მესაკუთრე ნიაზ ჭანიძე. საექპროპრიაციო მიწის ნაკვეთობი 3576 კვ.მ მიწის ნაკვეთი და მასზე არსებული შენობა-ნაგებობა.
  • ხელვაჩაური, სოფელი განთიადი, საექსპროპრიაციო ფართობი 704 კვ.მ მიწის ნაკვეთი და მასზე განთავსებული შენობა-ნაგებობა და ნარგავები; სოფელი განთიადი, საექსპროპრიაციო ფართობი 1054 კვ.მ მიწის ნაკვეთი და მასზე არსებული ნარგავები; სოფელი განთიადი, ქუჩა მე-16, N13ა, საექსპროპრიაციო ფართობი 413 კვ.მ მიწის ნაკვეთი და მასზე განთავსებული შენობა-ნაგებობა დანარგავები. მესაკუთრე ბიძინა ბეჟანიძე.
  • ხელვაჩაური, სოფელი ქვედა სამება, მესაკუთრე გოჩა ჯაფარიძე. საექსპროპრიაციო ფართობი 426 კვ.მ მიწის ნაკვეთი და მასზე განთავსებული შენობა-ნაგებობა და ნარგავები.
  • ხელვაჩაური, სოფელი წინსვლა, მესაკუთრე ჯამბულ ჩიკვაიძე. საექსპროპრიაციო ფართობი 2337 კვ.მ მიწის ნაკვეთი და მასზე არსებული შენობა-ნაგებობა და ნარგავები.
  • ქ. ბათუმი, დაბა ხელვაჩაური, აღმაშენებლის №9, მესაკუთრე შპს „ჩემპიონი-2“. საექპროპრიაციო ფართობი 5219 კვ.მ მიწის ნაკვეთი და მასზე არსებული შენობა-ნაგებობა.
  • ქ. ბათუმი, ფრიდონ ხალვაშის №258, მესაკუთრე შპს „ლუგო“, საექსპროპრიაციო ფართობი 5559 კვ.მ, მიწის ნაკვეთი და მასზე არსებული შენობა-ნაგებობა და ნარგავები.
  • ქ. ბათუმი, ფრიდონ ხალვაშის გამზირი №371, მესაკუთრე სს „ავტომობილისტი 96“, საექსპროპრიაციო ფართობი 17 672 კვ.მ მიწის ნაკვეთი და მასზე არსებული შენობა-ნაგებობა; ქალაქი ბათუმი, ფრიდონ ხალვაშის გამზირი №371, მესაკუთრე სს „ავტომობილისტი 96“, საექსპროპრიაციო ფართობი 5828 კვ.მ მიწის ნაკვეთი და მასზე არსებული შენობა-ნაგებობა.
  • ხელვაჩაური, სოფელი წინსვლა, მესაკუთრე ლეილა გოგიაშვილი. საექსპროპრიაციო ფართობი 224 კვ.მ მიწის ნაკვეთი და მასზე არსებული შენობა-ნაგებობა.


საქართველოს საავტომობილო გზების დეპარტამენტი ახორციელებს ბათუმის შემოვლითი გზის მშენებლობის პროექტს. პროექტი ითვალისწინებს მონაკვეთს მახინჯაურიდან მდინარე ჭოროხამდე. გზის მთლიანი მონაკვეთი შეადგენს 14.3 კმ, ხოლო სიგანე 14 მეტრს. ბათუმის შემოვლითი გზა აღმოსავლეთიდან უვლის ქალაქ ბათუმს და მთელს სიგრძეზე გადის ხელვაჩაურის რაიონში. გზის უმეტესი ნაწილი გაივლის მჭიდროდ დასახლებულ ტერიტორიას. პროექტი იწყება საერთაშორისო მნიშვნელობის სენაკი-ფოთის (ასაქცევი) – სარფის საავტომობილო გზაზე არსებული საავტომობილო გვირაბის სამხრეთ პორტალის შემდეგ სოფ. მახინჯაურის მისადგომებთან.

პროექტის ფარგლებში იგეგმება გვირაბის, ხიდებისა და სატრანსპორტო კვანძების მოწყობა. გზის მშენებლობისას გათვალისწინებული იქნება შემდეგი ტექნიკური პარამეტრები: გზის ხარისხი – საერთაშორისო ავტომაგისტრალი, საანგარიშო სიჩქარე – 100 კმ/სთ, გზის საფუძვლის სიგანე – 14 მ, სავალი ნაწილის სიგანე – 7 მ, სამოძრაო ზოლის სიგანე – 3.5 მ, მოპირკეთებული გვერდულების სიგანე – 2.5 მ, მოსაპირკეთებელი გვერდულების სიგანე – 1 მ, საფარის ტიპი – ასფალტ-ბეტონი გზისათვის, ცემენტ ბეტონი – 5 გვირაბისათვის.

ფოტო: ქობულეთის შემოვლითი გზა. ფოტო „ბათუმელების“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com