qaver

კურორტ გოდერძიზე ოთხი ახალი სასტუმრო აშენდება

აჭარის მთავრობის თავმჯდომარემ ზურაბ პატარაძემ კურორტ გოდერძიზე ოთხი ახალი სასტუმროს მშენებლობას ჩაუყარა საფუძველი. რეგიონის მთავრობის თავმჯდომარესთან ერთად სასტუმროების საფუძვლის ჩაყრის ცერემონიას საქართველოს რეგიონული განვითარებისა და ინფრასტრუქტურის მინისტრი ზურაბ ალავიძე და აჭარის ფინანსთა და ეკონომიკის მინისტრი რამაზ ბოლქვაძე ესწრებოდნენ.

4 ახალი სასტუმრო გოდერძზე (2)

საფუძვლის ჩაყრის ცერემონიამდე მოწვეულ სტუმრებს აჭარაში მიმდინარე და დეგეგმილი ღონისძიებების შესახებ რეგიონის მთავრობის თავმჯდომარემ ზურაბ პატარაძემ მიაწოდა ინფორმაცია.

4 ახალი სასტუმრო გოდერძზე (3)

საქართველოში რეგიონული განვითარების მიმართულებით დაგეგმილ ღონისძიებებზე და აჭარაში დაგეგმილ მსხვილ პროექტებზე მინისტრმა ზურაბ ალავიძემ ისაუბრა.

4 ახალი სასტუმრო გოდერძზე (1)

ღონისძიებაზე სიტყვით გამოვიდა ასევე აჭარის ფინანსთა და ეკონომიკის მინისტრი რამაზ ბოლქვაძე, რის შემდეგაც გაიმართა კურორტ გოდერძიზე ახალი სასტუმროების და უკვე მიმდინარე პროექტების პრეზენტაცია.

4 ახალი სასტუმრო გოდერძზე (4)

კურორტ „გოდერძიზე“ საძირკველი ჩაეყარა შემდეგ ობიექტებს:

  • სასტუმრო „GOLDMINE“, რომლისთვისაც 10 მლნ ლარის ოდენობის ინვესტიცია განცორციელდება. 100-ნომრიანი სასტუმროს მშენებლობაზე არანაკლებ 50 ადგილობრივი დასაქმდება. მშენებლობის პროცესი 2019 წლის შემოდგომაზე დასრულდება. სასტუმროში განთავსდება რესტორნები, კაფეები, ღია და დახურული საცურაო აუზი, ფიტნეს ცენტრი და საკონფერენციო დარბაზი.
  • GSP GROUP – 10 4-ნომრიანი კოტეჯი, ორსართულიანი შენობა აიგება. პროექტისთვის 2 მლნ ლარის ინვესტიცია განხორციელდა. დასაქმდება დაახლოებით 30 ადგილობრივი. კომპლექსის მშენებლობა 2020 წლისთვის დასრულდება. შენობებში განთავსდება რესტორნები და კაფეები.
  • 45 ნომრიანი სასტუმრო კომპლექსი „MOUNTAIN SKY“-სთვის 4 მილიონი ლარის ინვესტიცია განხორციელდა. დასაქმდება 20 ადგილობრივი. მშენებლობის პროცესი 2019 წლისთვის დასრულდება. სასტუმროში განთავსდება რესტორანი, კაფე, საკონფერენციო დარბაზი და ფიტნეს ცენტრი.
  • 30-ნომრიანი სასტუმრო კომპლექსის „ირეპალასი“ მშენებლობისთვის 2 400 000 ლარის ინვესტიცია განხორციელდა. დასაქმდება დაახლოებით 15 ადგილობრივი. მშენებლობა 2020 წლის აგვისტოში დასრულდება. განთავსდება რესტორანი, კაფე, საკონფერენციო დარბაზი და ფიტნეს ცენტრი.

საერთო ჯამში, კურორტ „გოდერძიზე“ 6 პროექტის განხორციელებისთვის 80 მილიონი ლარის ინვესტიცია ხორციელდება. შედეგად შეიქმნება 435 ახალი განთავსებისა და 500 სამუშაო ადგილი.

mshenebare sastumros datvaliereba (4)

აჭარის მთავრობის თავმჯდომარემ ზურაბ პატარაძემ მთავრობის სხვა წარმომადგენლებთან ერთად კურორტ „გოდერძიზე“ ასევე დაათვალიერა სასტუმროების „მეტრო ატლას ჯორჯია“ და „ალიანსი რიზორტის“ სამშენებლო სამუშაოები.

mshenebare sastumros datvaliereba (1)

კურორტ გოდერძზე ახალი სასტუმროების საფუძვლის ჩაყრის ცერემონიის შემდეგ, აჭარის მთავრობის თავმჯდომარე ზურაბ პატარაძე საქართველოს რეგიონული განვითარებისა და ინფრასტრუქტურის მინისტრთან ზურაბ ალავიძესთან ერთად სასტუმრო „რამადას“ სამშენებლო სამუშაოებს გაეცნო.

აღნიშნული სასტუმროს მშენებლობისთვის 25 მილიონი ლარი დაიხარჯება. სასტუმრო 100 ნომერს მოიცავს და მისი მშენებლობა 2018 წელს დასრულდება.

mshenebare sastumros datvaliereba (2)

აჭარის მთავრობა
ნეტგაზეთის მასალების სხვა გამოცემებში გადაბეჭდვის წესი
ავტორი