მთავარი,სიახლეები

სამებაში ახალგაზრდა კაცის მკველობაში ბრალდებული დააკავეს

07.08.2017 • 2462
სამებაში ახალგაზრდა კაცის მკველობაში ბრალდებული დააკავეს

ხელვაჩაურის მუნიციპალიტეტის სოფელ სამებაში ახალგაზრდა კაცის მკვლელობაში ბრალდებული მამაკაცი დღეს, 7 აგვისტოს, პოლიციამ დააკავა. დაკავებული 27 წლისაა და ის ამავე მუნიციპალიტეტის სოფელ ახალშენის მკვიდრია.

„ბათუმელების“ ინფორმაციით, ბრალდებული მკვლელობის შემდეგ დაკავებამდე მეზობელ მუნიციპალიტეტში, ახლობლის სახლში იმყოფებოდა. ის სამართალდამცავებმა მაშინ დააკავეს, როცა ტაქსით გადაადგილდებოდა.

ბრალდებულის დაკავება შინაგან საქმეთა სამინისტროში დაადასტურეს. „ბრალდებული წუხელ, შუაღამით დააკავეს“ – გვითხრეს შსს-ში.

მკვლელობა სოფელ სამებაში 5 აგვისტოს მოხდა. მკვლელობაში ბრალდებულმა სოფელ ქვედა სამებაში მცხოვრები 34 წლის კაცი სანადირო თოფიდან გასროლით მოკლა.

სოფლები: ახალშენი და ქვედა სამება გვერდიგვერდ მდებარეობს. ბრალდებული და მოკლული ფაქტობრივად მეზობლები იყვნენ.

შინაგან საქმეთა სამინისტროს ინფორმაციით, ფაქტზე მიმდინარეობს გამოძიება სს კოდექსის 108-ე მუხლით, რაც განზრახ მკვლელობას გულისხმობს.

 

გადაბეჭდვის წესი


ასევე: