სიახლეები

ქობულეთში სოციალურად დაუცველებისთვის გაზიფიცირება უფასო იქნება

06.11.2014 • 1154
ქობულეთში სოციალურად დაუცველებისთვის გაზიფიცირება უფასო იქნება

 

ქობულეთის მუნიციპალიტეტში სოციალურად დაუცველი ოჯახების ხელშეწყობის მიზნით „სოციალურად დაუცველი ოჯახების გაზიფიცირების“ პროგრამა ამოქმედდა.

 

მიზნობრივი პროგრამა სოციალურად დაუცველი ოჯახების ბაზაში 0-დან 57 000-მდე სარეიტინგო ქულით დარეგისტრირებული ოჯახების გაზიფიცირებას ითვალისწინებს, რაც გულისხმობს ბუნებრივი აირის გაყვანილობასა და მრიცხველის სამონტაჟო ღირებულების ერთი წერტილის დაფინანსებას.

 

 პროგრამაში ჩართვის მსურველებმა ქობულეთის გამგეობაში უნდა წარადგინონ პირადობის დამდასტურებელი მოწმობის ასლი, განცხადება და ამონაწერი სოციალური სააგენტოდან. მიზნობრივი პროგრამებისთვის მიმდინარე წელს 18 ათასი ლარია გათვალისწინებული. ქობულეთის გამგეობის საზოგადოებასთან და მასმედიასთან ურთიერთობის მთავარი სპეციალისტის, მანონი შავიშვილის თქმით „ეს პროექტი მომავალი წლისთვისაც იგეგმება, რა თანხა გამოიყოფა მომავალი წლისთვის ჯერ-ჯერობით ვერ გეტყვით, მიმდინარეობს ბიუჯეტის დაგეგმარება“.

 

პროექტი გამგეობის ჯანმრთელობისა და სოციალური დაცვის სამსახურის მიზნობრივი პროგრამების ფარგლებში ხორციელდება.

გადაბეჭდვის წესი