ხულოში თემის რწმუნებულებს ხელფასი 10 ლარით გაუზარდეს

ხულოს მუნიციპალიტეტის გამგეობამ მუნიციპალიტეტში შემავალი თემების რწმუნებულებს ხელფასი 10 ლარით გაუზარდა.

რწმუნებულებისთვის სახელფასო სარგოს 10 ლარით მატებასთან დაკავშირებით გამგეობამ გადაწყვეტილება მას შემდეგ მიიღო, რაც საჯარო მოხელეების რანგირება შემოიღეს. კანონით კი, გამგებლის წარმომადგენლებს თემებში რანგი არ მიენიჭა. გამგებლის წარმომადგენლები სოფლებში ხელშეკრულებით არიან აყვანილნი, როგორც დროებითი მოვალეობის შემსრულებლები.

რანგირების წესის შემოღების შემდეგ ხელშეკრულებით აყვანილ თანამშრომლებად მიიჩნევიან გამგებლის წარმომადგენლები ქედასა და შუახევშიც. ხულოს მუნიციპალიტეტისგან განსხვავებით, აქ მათი თანამდებობრივი სარგო არ გაზრდილა, მათი ანაზღაურება 790 ლარია.

ნეტგაზეთის მასალების სხვა გამოცემებში გადაბეჭდვის წესი
ავტორი