polqaver

გიორგი მღებრიშვილი: საზღვაო სეზონს წელსაც სათანადოდ მომზადებულები შევხვდით

შინაგან საქმეთა სამინისტროს ინფორმაციით, მინისტრმა, გიორგი მღებრიშვილმა, აჭარის პოლიციის დეპარტამენტში სამუშაო თათბირი ჩაატარა.

„შს მინისტრმა აჭარის პოლიციის ხელმძღვანელებისგან საკურორტო სეზონზე დამსვენებელთა უსაფრთხოებისა და საზოგადოებრივი წესრიგის დაცვის უზრუნველყოფის მიზნით ჩატარებული სამუშაოების შესახებ დეტალური ანგარიში ჩაიბარა,“ – აცხადებენ სამინისტროში.

„საზღვაო სეზონს ჩვენ წელსაც სათანადოდ მომზადებულები შევხვდით. მჯერა, რომ თითოეული თქვენგანი კვლავ წარმატებით და უდიდესი პასუხისმგებლობით გაართმევს თავს დაკისრებულ მოვალეობას და მაქსიმალურად დაიცავს დამსვენებელთა უსაფრთხოებას და საზოგადოებრივ წესრიგს“, – განაცხადა გიორგი მღებრიშვილმა.

გიორგი მღებრიშვილი 13 ივლისს ბათუმში, მე-14 საერთაშორისო კონფერენციის – „საქართველოს ევროპულ გზა – რეგიონული სტაბილურობის უზრუნველყოფა“ გახსნას დაესწრო.

შეხვედრა აჭარის პოლიციის დეპარტამენტში / შსს-ს ფოტოები

შეხვედრა აჭარის პოლიციის დეპარტამენტში / შსს-ს ფოტოები

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com