qaver tera

ბათუმში ტერაბანკის „ჩემი ფინანსური სახლი“ გაიხსნა

გუშინ, 12 ივლისს, ბათუმში „ტერაბანკის“ ახალი ფილიალი „ჩემი ფინანსური სახლი“ გაიხსნა. გახსნის ცერემონიალს „ტერაბანკის“ მენეჯმენტი, ბიზნესკლიენტები, აჭარის მთავრობის წარმომადგენლები და ბათუმის მერი ესწრებოდნენ. საზეიმო ლენტი „ტერაბანკის“ გენერალურმა დირექტორმა თეა ლორთქიფანიძემ და აჭარის ფინანსთა და ეკონომიკის მინისტრმა, რამაზ ბოლქვაძემ გაჭრეს. მიწვეულ სტუმრებს თეა ლორთქიფანიძემ მიმართა:

„18 წელია  ჩვენი ბანკი ბაზარზეა, შარშან რებრენდინგი განვახორციელეთ შევცვალეთ ბანკის სახელი,  ფილიალების კონცეფცია, მომსახურებების პრინციპები. მას შემდეგ აქტიურად ვახორციელებთ ჩვენი ფილიალების ქსელის გაფართოებას და განახლებას.

ივნისში გავხსენით ახალი ფილიალი ზუგდიდში, რამდენიმე დღის წინ გავჭერით ლენტი ბათუმში ჩვენს განახლებულ ფილიალში რუსთაველის ქუჩაზე,  დღეს ვხსნით ახალ ფილიალს, რომელიც იქნება ყველაზე დიდი ტერაბანკის რეგიონალური ფილიალებიდან. ალბათ მიაქცევდით ყურადღებას, რომ ფილიალები აგებული არის ფინანსური სახლის კონცეფციაზე, სადაც კლიენტებს შეუძლიათ მიიღონ უმაღლესი ხარისხის მომსახურება მყუდრო და კომფორტულ გარემოში.

ბათუმი არის ჩვენთვის ძალიან მნიშვნელოვანი რეგიონი, ვხედავთ ამ ქალაქის განვითარების დინამიკას და პერსპექტივებს, ამიტომ ვაფართოებთ აქ ჩვენს წარმომადგენლობას. უკვე ოთხ ადგილას შესაძლებელი არის ჩვენი კლიენტებისათვის  მომსახურების მიღება. მინდა ძალიან დიდი მადლობა გადავუხადო ჩვენს კლიენტებს, რომლებიც უკვე სარგებლობენ ჩვენი მომსახურებით და მადლობა ბათუმის ტერაბანკის გუნდს, რომლებიც თავდაუზოგავად შრომობენ“.

IMG_0017

ჩემი ფინანსური სახლი სრულიად განსხვავებული კონცეფციის ბანკია, რომლის ანალოგიც საქართველოს საბანკო ბაზარზე დღესდღეობით არ არის. ჩემი ფინანსური სახლი ეს ტერაბანკის საკომუნიკაციო მესიჯია – ხვალიდან ბანკში მისულ ბათუმელებს კომფორტული ინტერიერი და მეგობრული განწყობა დახვდებათ.

„ის ფაქტი, რომ ახალი ფილიალები იხსნება ჩვენს რეგიონში ეს ნიშნავს რომ მთავრობას და ბიზნესს ურთიერთშეხმატკბილებული ურთიერთობები აქვთ. ასევე მნიშვნელოვანია რომ დაბი ჯგუფი ჩვენი ქვეყნის ძალიან მნიშვნელოვან ინვესტორს წარმოადგენს 250  მილიონი დოლარის ინვესტიცია აქვს განხორციელებული. უშუალოდ ტერა ბანკს, რომელიც შედის დაბი ჯგუფში საინტერესო და საჭირო პროექტები აქვს განხორციელებული  ფინანსთა და ეკონომიკის სამინისტროსთან ერთად. მაგალითად ერთ-ერთი ასეთი არის „ბათუმი ბარაკების გარეშე“, ეს არის მნიშვნელოვანი სოციალურ ეკონომიკური პროექტი, ამისთვის მინდა მათ დიდი მადლობა გადავუხადო. ასევე მნიშვნელოვანია რომ სხვადასხვა სოციალურ პროგრამებში ღებულობენ მონაწილეობას. დარწმუნებული ვარ რომ ახალი ფინანსური სახლიც მიიღებს ასეთ გამოწვევებში მონაწილეობას,“ – განაცხადა აჭარის ფინანსთა და ეკონომიკის მინისტრმა რამაზ ბოლქვაძემ.

IMG_1823

„ტერაბანკი“ უკვე 18 წელია რაც ბაზარზეა, თუმცა ტერაბანკის სახელით მხოლოდ რებრენდინგის შემდეგ პოზიციონირდება. ტერაბანკი არაბულ საინვესტიციო ჰოლდინგის – დაბი ჯგუფს ეკუთვნის. მისი მთავარი აქციონერი შეიხი ნაჰაიან მუბარაქ ალ ნაჰაიანია, რომელსაც საბანკო და სასტუმრო მიმართულებით საქართველოთი ჯამში 250 მილიონი დოლარის ინვესტიცია უკვე განხორციელებული აქვს.

IMG_0052

IMG_1712

IMG_1784

ნეტგაზეთის მასალების სხვა გამოცემებში გადაბეჭდვის წესი
ავტორი