მთავარი,რეკლამა,სიახლეები

კოლეჯი „გოლდენ სიი“ – დუალური სწავლება ბათუმში, სწავლა და მუშაობა ერთდროულად

10.07.2017 • 14062
კოლეჯი  „გოლდენ სიი“ – დუალური სწავლება ბათუმში, სწავლა და მუშაობა ერთდროულად

კოლეჯის შექმნის იდეა

დუალური სწავლების შესახებ იდეა 2013 წელს დამებადა, მაშინ სასწავლო მივლინებით გერმანიის ქალაქ გარმიშში ვიყავი, სადაც თანმიმდევრულ თარგმანს (ინგლისური, რუსული) ვსწავლობდი ევროპის ენების სასწავლო ცენტრში.

სულ ექვსი სტუდენტი ვიყავით სხვადასხვა ქვეყნიდან, მათ შორის ერთ-ერთი ქალბატონი ამერიკის საელჩოდან, წარმოშობით ნორვეგიელი. ერთ დღეს ის სკაიპით შვილს ესაუბრებოდა, ვიცოდი, რომ მისი შვილი სწავლობდა პროფესიულ კოლეჯში, თუმცა შევნიშნე, რომ სამზარეულოში იმყოფებოდა და ვიკითხე სწავლასა და მუშაობას ერთმანეთთან როგორ ათავსებდა. როგორც ქალბატონმა ამიხსნა, მისი შვილი სწავლის პარალელურად სამზარეულოში პრაქტიკასაც გადიოდა. ზუსტად ეს იყო დუალური სწავლების მოდელი.

ლეილა გოგიტიძე - შავი ზღვის საერთაშორისო კოლეჯ „გოლდენი სიი“-ის დირექტორი, ფილოლოგიის მეცნიერებათა დოქტორი, ლინგვისტი

ლეილა გოგიტიძე – შავი ზღვის საერთაშორისო კოლეჯ „გოლდენ სიი“-ის დირექტორი, ფილოლოგიის მეცნიერებათა დოქტორი, ლინგვისტი

ჩვენს კოლეჯს შავი ზღვის საერთაშორისო კოლეჯი „გოლდენ სიი“ ჰქვია და ჩვენი დევიზი არის: ცოდნა სიმდიდრეა!

კოლეჯში სწავლის მსურველები მიიღებიან გამოცდების გარეშე, მეცხრე კლასის დასრულების საბუთისა და, საჭიროების შემთხვევაში, მშობლის თანხმობის დამადასტურებელი მოწმობის წარმოდგენის საფუძველზე.

რაც შეეხება სწავლის საფასურს, რაც ყოველთვიურად 100-170 ლარია (თუმცა სტუდენტები იღებენ სტიპენდიას – 200 ლარს), ეს თანხა  ხმარდება დუალური სისტემის განვითარებას ჩვენს რეგიონში, შენობისა და სტუდენტების ორგანიზაციულ ხარჯებს. კურსების დასრულების შემდეგ სტუდენტები იღებენ ორენოვან – ქართულსა და ინგლისურ – სერტიფიკატს.

ამჟამად კოლეჯში 60-მდე სტუდენტი სწავლობს, მათგან 80 პროცენტი დასაქმებულია.

სტუდენტები „კოლიზეუმ მარინაში“ შეფმზარეულის მეთვალყურების ქვეშ გადიან სასწავლო პრაქტიკას

სტუდენტები „კოლიზეუმ მარინაში“ შეფმზარეულის მეთვალყურების ქვეშ გადიან სასწავლო პრაქტიკას

დუალური სწავლების მოდელი

საქართველოში ტურიზმის გაუმჯობესების ერთ-ერთი ხელშემწყობი საშუალება მომსახურებაა, დუალური სწავლების მოდელი კი მომსახურების დონის გაუმჯობესების ერთ-ერთი საუკეთესო საშუალებაა.

დუალური სწავლება – სწავლების გერმანული მოდელია, რაც დამსაქმებლის მეთვალყურეობით თეორიისა და პრაქტიკის ერთდროულ ჩართულობას გულისხმობს. დუალური სწავლების პირობებში სტუდენტი თავსდება იმ სივრცეში, იმ სპეციალობითა და იმ დამსაქმებელთან, სადაც შემდგომში აპირებს დასაქმებას, რის შედეგად ვიღებთ მაღალი კვალიფიკაციის კადრს.

სწავლების დუალური სისტემა გვაძლევს საშუალებას, სასწავლო სივრცედ სამუშაო სივრცე ავირჩიოთ, ამ მხრივ თვითონ დამსაქმებელი უზრუნველყოფს სტუდენტების სამუშაო სივრცის კეთილმოწყობასა და სასწავლო პროცესის ხარისხიან მომზადებას. მსგავსი მიდგომა საუკეთესო შედეგის მომტანია ორივე მხარისთვის – დამსაქმებლისა და დაინტერესებულისთვის.

დროის ეკონომია

დღევანდელ, დინამიური ცვლილებების სამყაროში, დროის ფაქტორი ერთ-ერთი უმნიშვნელოვანესია. ამ მხრივ დუალური სისტემის პრივილეგია იმაში მდგომარეობს, რომ სტუდენტებს თეორიული სწავლების მიღების საშუალება სამუშაო ადგილზევე ეძლევათ.

ჩვენს შემთხვევაშიც ასე მოხდა. დამსაქმებელმა დაინახა სტუდენტების მონდომება და მოტივაციის ასამაღლებალად მათ სტიპენდიაც დაუნიშნა – 200 ლარი. გარდა ამისა, სტუდენტები უზრუნველყოფილნი არიან სამჯერადი კვებითა და უნიფორმებით.

სწავლის პროცესი შემუშავებული გვაქვს მოქნილი გრაფიკი – სტუდენტები 10 საათიდან 4 საათამდე სწავლობენ, 4 საათის შემდეგ კი იმ სტუდენტებს, რომლებიც განთავსებული არიან რესტორნებში, საშუალება აქვთ საბანკეტო წვეულების მოწყობებშიც მიიღონ მონაწილეობა, რომელიც ასევე უნაზღაურდებათ, საშუალოდ, 50 ლარით.

სპეციალობები და მიმართულებები

კოლეჯში სტუდენტები რამდენიმე მიმართულებას სწავლობენ. გვაქვს როგორც მოკლევადიანი, ასევე გრძელვადიანი პროგრამები, მაგალითად, მასაჟისტისა და გიდის მოსამზადებელი კურსები მოკლევადიანი პროგრამებია, რომელთა ხანგრძლივობა  3 თვეა, ხოლო დანარჩენი ყველა – გრძელვადიანია და 9 თვეს გრძელდება. ამჟამად მოკლევადიანი მასაჟის პროგრამა უკვე დასრულებულია, გრძელვადიანი პროგრამის პირველ გამოშვებას კი, ოქტომბრის შუა რიცხვებში ველოდებით.

კოლეჯს ურთიერთთანამშრომლობის მემორანდუმი რამდენიმე მსხვილ სასტუმრო ქსელთან აქვს გაფორმებული. მათ შორის „კოლიზეუმ მარინასა“ და „პიაცასთან“ – მზარეულების გადამზადების მიმართულებით (სასწავლო პროცესს უძღვებიან: შეფმზარეულები – ჯონი მჟავანაძე და ლევან გოგიტიძე) სასტუმრო „ლეოგრანდთან“ – სასტუმროს საქმისმწარმოებლის სპეციალობით (სასწავლო პროცესს უძღვება გაყიდვებისა და რეზერვაციის მენეჯერი ნინო მოწყობილი) „რედისონ ბლუში“ (სასწავლო პროცესს უძღვება შეფმზარეული ფატიჰ ილაზი) „პრივეტ ბათუმში“, „გრანდ დრილში“,  “პიერ ბათუმსა“ და “ბათუმი პარკში“.

სასწავლო პრაქტიკა უშალოდ დასაქმების ადგილზე, სასტუმრო „პიაცა“

სასწავლო პრაქტიკა უშუალოდ დასაქმების ადგილზე, სასტუმრო „პიაცა“

სასტუმრო „ლეოგრანდში“ ადმინისტრაციამ სტუდენტებს სასწავლებლად სპეციალური სივრცე გამოუყო, სადაც ისინი თეორიულ ნაწილს გადიან და უზრუნველყოფილნი არიან დაფით, კომპიუტერებითა და სახელმძღვანელოებით. სტუდენტებს ინფოტური სასტუმროს ყველა დეპარტამენტში ჩაუტარდათ, თითოეულის შესწავლა მათთვის აუცილებელია.

სასტუმრო საქმის წარმოება მოითხოვს უცხო ენის ცოდნას. გვყავს სპეციალისტები ინგლისური ენის მიმართულებით, 3 თვის განმავლობაში ინტენსიური კურსი მიმდინარეობდა სასტუმროს კუთხითა და სასაუბრო ენის განსავითარებლად.

ინგლისური ენის კურსებს მაღალი შედეგი მალევე მოჰყვა: რამდენიმე დღეა, რაც გიდების მომზადების გრანდიოზული პროექტი დავძარით (სასწავლო პროცესს უძღვება ექსკურსიამძღოლი – ტრენერი ლალი ჩაგანავა), სტუდენტებს პირველ დღესვე ჩაუტარდათ ინფოტური ქალაქსა და ბოტანიკურ ბაღში. ტურები ინგლისურსა და რუსულ ენაზე მიმდინარეობდა. მეორე დღეს სტუდენტები ტურისტებთან პრაქტიკაზე გავიყვანეთ, რასაც კარგად გაართვეს თავი.

სასტუმრო ,,ლეოგრანდში" სტუდენტებისთვის სპეციალური სასწავლო სივრცეა მოწყპბილი, სადაც პრაქტიკასთან ერთად თეორიულ სწავლებასაც გადიან სტუდენტები. სასწავლო პროცესს უძღვება გაყიდვებისა და რეზერვაციის მენეჯერი ნინო მოწყობილი

სასტუმრო „ლეოგრანდში“ სტუდენტებისთვის სპეციალური სასწავლო სივრცეა მოწყობილი, სადაც პრაქტიკასთან ერთად თეორიულ სწავლებასაც გადიან სტუდენტები. სასწავლო პროცესს უძღვება გაყიდვებისა და რეზერვაციის მენეჯერი ნინო მოწყობილი

ცოტა ხნის წინ კოლეჯმა ურთიერთთანამშრომლობის მემორანდუმი საქართველოს ტურიზმის აკადემიასთანაც გააფორმა, რომლის საფუძველზე სტუდენტებს ეძლევათ შესაძლებლობა ისწავლონ და პრაქტიკა მიიღონ თურქეთში ხუთვარსკვლავიან სასტუმროებში. სტუდენტები უზრუნველყოფილნი იქნებიან უფასო მგზავრობით, კვებითა და საცხოვრებელი ადგილით, ასევე მიიღებენ სტიპენდიას – 400 დოლარს. მემორანდუმის ფარგლებში, სტუდენტებს საშუალება ექნებათ როტაციული დუალური სწავლებით მონაწილეობა მიიღონ თურქეთში, სხვადასხვა გაცვლით პროგრამაში. აღნიშნული პროგრამის ამოქმედებას კოლეჯი მომავალი სეზონისთვის გეგმავს.

სტუდენტებს პირველ დღესვე ჩაუტარდათ ინფოტური ქალაქსა და ბოტანიკურ ბაღში

გიდის სპეციალობის სტუდენტებს პირველ დღესვე ჩაუტარდათ ინფოტური ქალაქსა და ბოტანიკურ ბაღში

დასაქმების სააგენტოსთან მემორანდუმის ფარგლებში, ჩვენი კოლეჯის სტუდენტები კურსის დამთავრების შემდეგ შეძლებენ დასაქმდნენ ესტონეთსა და პოლონეთში. აუცილებელია მხოლოდ ინგლისური  და რუსული ენის საშუალო დონეზე ცოდნა. ანალოგიური მიმართულებით სწავლება საზღვაო აკადემიაშიცაა შესაძლებელი _ მზარეულის 9-თვიანი კურსის გავლის შემდეგ სტუდენტებს შეეძლებათ გადამზადება გაიარონ საზღვაო აკადემიაში მეზღვაურთა სასწავლო, საწვრთნელი და სერტიფიცირების ცენტრში და უკვე საზღვაო აკადემიის სერტიფიკატით გემზე გაემგზავრონ.

ამჟამად „შეკვეთები“ ელექტრიკოსებზე, ელექტროტექნიკოსებზე,  კონდიციონერების, აუზის ტექნიკოსებსა და დურგლებზეც გვაქვს მიღებული, რაზეც უკვე გამოვაცხადეთ შერჩევა.

ვაპირებთ ჯანდაცვის სფეროშიც მუშაობას – მედდისა და სტომატოლოგიის განხრით.

კოლეჯის გეგმები

კოლეჯი სამომავლოდ რამდენიმე პროექტის განხორციელებას გეგმავს, მათ შორის საერთაშორისო გაცვლით პროგრამებსა და თანამშრომლობას უკრაინასა და გერმანიის მსხვილ კომპანიებთან.

უკრაინასთან თანამშრომლობის საფუძველზე, სექტემბრიდან საქართველოში  სამუშაო გამოცდილების მისაღებად 10 უკრაინელი სტუდენტის გადმოყვანა იგეგმება. სამუშაო პრაქტიკას მიღება უკრაინაში ქართველ სტუდენტებსაც შეეძლებათ.

ბათუმის საერთაშორისო კოლეჯი ,,გოლდენ სიი- ს" სტუდენტები სასტუმრო ლეოგრანდის სამზარეულოში.

ბათუმის საერთაშორისო კოლეჯი „გოლდენ სიი“-ის სტუდენტები სასტუმრო „მარინა კოლიზეუმის“ სამზარეულოში.

ვისაც სურს მიიღოს განათლება და პარალელურად დასაქმდეს, შეუძლია მოგვმართოს ნებისმიერ დროს. ჩვენი კოლეჯი აგრძელებს მსურველთა მიღებას ყოველდღიურ რეჟიმში.

ჩვენ გვაქვს სამომავლო გეგმებიც, რაც ევროპისა და სხვა ქვეყნების კერძო, თუ საჯარო უწყებებთან თანამშრომლობას გულისხმობს. დაწვრილებით ამის შესახებ საზოგადოებას შესაბამისი ხელშეკრულებების გაფორმების შემდეგ ვაცნობებთ.

გადაბეჭდვის წესი


ასევე: