????????????????????????????????????

ქობულეთის ცენტრალურ პარკს სეზონზე შეიარაღებული პოლიცია დაიცავს

ქობულეთისა და ჩაქვის პარკებს შსს-ს დაცვის პოლიციის დეპარტამენტის შეიარაღებული თანამშრომლები სამი თვის განმავლობაში დაიცავენ.

ქობულეთის მუნიციპალიტეტის ააიპ „ქობულეთის პარკი“, ქობულეთში, აღმაშენებლის გ.#279-ში მდებარე ცენტრალური პარკისა და დაბა ჩაქვში, მეგენეიშვილის ქუჩის მიმდებარედ არსებული პარკის საპოლიციო ძალებით დაცვის უზრუნველყოფაში 47 400 ლარს გადაიხდის.

„ქობულეთის პარკი“ აღნიშნული პარკების იარაღით დაცვის აუცილებლობას საზოგადოებრივი წესრიგის დაცვისა და დანაშაულის აღკვეთის მიზნით ხსნის. ამასთან, „შეიარაღებული დაცვის პოლიციის მომსახურება საჭიროა მხოლოდ ტურისტული სეზონის განმავლობაში, რომელიც გრძელდება ივლისი, აგვისტო, სექტემბრის პერიოდში“.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი ტელ.: [0422] 27 45 12 ელ/ფოსტა: tedobatumi@gmail.com