ბათუმში არტფესტივალი „არგანი“ იწყება

ხვალ, 8 ივლისს, ბათუმში არტფესტივალი „არგანი“  იწყება.  ფესტივალი 6 მაისის პარკში გაიმართება.

აჭარის ტურიზმის დეპარტამენტის ინფორმაციით, არტფესტივალზე მხატვრების, დიზაინერების, ხელნაკეთი  ნამუშევრები გამოიფინება. მნახველებს შესაძლებლობა ექნებათ უცხოელი და ქართველი ოსტატების ნამუშევრები იხილონ. „ასევე ნახავენ მასტერკლასებს და შოუპროგრამებს“.

აქვე გაიყიდება ქართველი და უცხოელი ოსტატების ნამუშევრები. ნაჩვენები იქნება არტობიექტები და გრაფიტის შექმნა, ბავშვთა ზონაში იფუნქციონირებს ატრაქციონები, ასევე ფუდზონა. მოეწყობა ქართული და უცხოური ფილმების ღია ცისქვეშ ჩვენება. წარმოდგენილი იქნება  FireShow.

ფესტივალი სამდღიანია და ის 10 ივლისის ჩათვლით გაგრძელდება.

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com