დეპუტატ ცოტნე ანანიძეს ბათუმის ციხეში პატიმრებთან შესვლის უფლება მისცეს

აჭარის უმაღლესი საბჭოს ადამიანის უფლებების დაცვის კომისიის თავმჯდომარე – ცოტნე ანანიძე დღეს, 6 ივლისს, ბათუმის ციხეში პატიმრებს მოინახულებს. დღემდე პატიმრებმა არაერთხელ ითხოვეს ცოტნე ანანიძესთან შეხვედრა, თუმცა უმაღლესი საბჭოს წევრები, მათ შორის ცოტნე ანანიძე იქ შესვლას ვერ ახერხებდნენ.

კომისიის თავმჯდომარე არასდროს ამოდის ჩვენთან,“ – გვწერდნენ ციხიდან გამოგზავნილ წერილში პატიმრები. ისინი აღნიშნავდნენ იმასაც, რომ ცოტნე ანანიძე ყოფილი პოლიტიკური პატიმარია და მას განსაკუთრებით უნდა ესმოდეს ციხეში არსებული პრობლემები.

უმაღლესი საბჭოს წევრებს სასჯელაღსრულების დაწესებულებებში შესვლის უფლება არ აქვთ. ამისთვის მათ ნებართვა სასჯელაღსრულების სამინისტროსგან უნდა მიიღონ. უმაღლესმა საბჭომ ამ უწყებისგან ნებართვა ამჯერად მიიღო.

„12 საათზე შევდივარ მე-3 დაწესებულებაში. იქედან როდის გამოვალ, ჯერ არ ვიცი,“ – გვითხრა ცოტნე ანანიძემ.

ამავე თემაზე:

რა ძალისხმევა გაიღო დეპუტატმა ბათუმის ციხეში შესასვლელად

ნეტგაზეთის მასალების სხვა გამოცემებში გადაბეჭდვის წესი


ავტორი