მახალაკიძეები

შუახევში მცხოვრებ შვიდ ოჯახზე გეოლოგებმა განსახლების რეკომენდაცია გასცეს

შუახევის მუნიციპალიტეტის სოფლებში: მახალაკიძეებში, ცხემლისში, ფურტიოში, წყაროთასა და კარაპეტში მცხოვრებ შვიდ ოჯახზე გეოლოგებმა საცხოვრებელი სახლის ადგილმონაცვლეობის რეკომენდაცია გასცეს. საცხოვრებელი სახლის ადგილმონაცვლეობა ცხემლისში მცხოვრები 3-ს, ხოლო ფურტიოში, წყაროთაში, კარაპეტსა და მახალაკიძეებში მცხოვრებ თითო ოჯახს სჭირდება.

შუახევის მუნიციპალიტეტის გამგეობის ჯანდაცვის სამსახურის უფროსის, ზაზა ზოიძის ინფორმაციით, სახლების ადგილმონაცვლეობისა და საფრთხის შემცელ მიზეზებად ფურტიოსა და წყაროთაში მეწყრული პროცესები, ხოლო მახალაკიძეებში, კარაპეტსა და ცხემლისში ქვათა ცვენა სახელდება.

„ოჯახები, რომელთა საცხოვრებელ სახლებთან დაკავშირებით ადგილმონაცვლეობის გეოლოგიური დასკვნა დაიდო, დარეგისტრირდებიან ერთიან ბაზაში, რის შემდეგაც მიენიჭებათ ქულები. თუ პროგრამით გაწერილ კრიტერიუმებს დააკმაყოფილებენ, ისინი სახლების შესყიდვის სახელმწიფო პროგრამაში ჩაერთვებიან,“ – ამბობს ზაზა ზოიძე.

თუ ოჯახებს ალტერნატიული მიწის ნაკვეთები გააჩნიათ, ან შეიძენენ და სახლის გადატანას მოითხოვენ, შუახევის გამგეობა საკითხს განსახილველად ჯანდაცვის სამინისტროს გადაუგზავნის. „კრიტიკულ შემთხვევაში გეოლოგი წერს, რომ დაუყოვნებლივ უნდა მოხდეს ოჯახის უსაფრთხო ადგილზე გაყვანა, მსგავსი დასკვნა კი, ბოლო გეოლოგიური შესწავლის დროს არ გაცემულა,“- გამარტავს ზაზა ზოიძე.

შუახევის სოფლებში საცხოვრებელი სახლები და მიმდებარე ტერიტორიები გეოლოგებმა ივნისისში შეისწავლეს.

ოჯახი მეწყრის ზონიდან: ჩვენს სახლს 40-ტონიანი ქვა ემუქრება

ნეტგაზეთის მასალების სხვა გამოცემებში გადაბეჭდვის წესი
ავტორი