19758182_1413182185444150_1955677073_n

„საიდუმლო ოთახი“ ქედის გამგეობაში

ქედის მუნიციპალიტეტის გამგეობის შენობის პირველ სართულზე „საიდუმლო ოთახი“ ფუნქციონირებს. როგორც გამგეობაში განმარტავენ, ოთახში სახელმწიფო მნიშვნელობის საიდუმლო დოკუმენტები ინახება.

ქედის გამგეობა  წელს ამ ოთახის კეთილმოწყობასაც გეგმავს. „საიდუმლო ოთახის“, გამგეობის შენობაში შესასვლელი სივრცისა და საპირფარეშოს კეთილმოწყობაზე ადგილობრივი ბიუჯეტიდან 15 000 ლარი უკვე გამოიყო.

„საიდუმლო ოთახები“ არ არის ხულოსა და შუახევის მუნიციპალიტეტების გამგეობებში.

ხულოს გამგეობის ადმინისტრაციული სამსახურის აპარატის უფროსის, ალბერტ ბოლქვაძის ინფორმაციით, ამ ტიპის დოკუმენტებს ხულოს თვითმმართველობა კანცელარიაში, სპეციალურ სეიფში ინახავს.

რაც შეეხება შუახევის გამგეობას, გამგეობის ადმინისტრაციული სამსახურის აპარატის უფროსის, მიხეილ დავითაძის თქმით, გამგეობაში შესული საიდუმლო დოკუმენტები მის სამუშაო ოთახში, ცეცხლგამძლე კარადაში ინახება და დასძენს, რომ საიდუმლო დოკუმენტები სხვებისთვის ხელმიუწვდომელია: „არავის მიუწვდება ამ დოკუმენტებზე ხელი. ოთახს, სადაც საიდუმლო დოკუმენტები სპეციალურ ცეცხლგამძლე კარადაში ინახება, კარ-ფანჯრებზე გისოსები აქვს. სეიფის გასაღები მხოლოდ მე მაქვს. კონტრდაზვერვის სამსახური წელიწადში ერთხელ ამოწმებს ამ დოკუმენტებს“.

ნეტგაზეთის მასალების სხვა გამოცემებში გადაბეჭდვის წესი
ავტორი