შშმ პირთა უფლებების დაცვის დღესთან დაკავშრებით ბათუმის დემოკრატიული ჩართულობის ცენტრში დისკუსია გაიმართა. შეხვედრას ადგილობრივი თვითმართველობის, არასამთავრორო ორგანიზაციების, მედიის წარმომადგენლები, ასევე შშმ პირები და მათი მშობლები, ასევე მეურვეები ესწრებოდნენ.
მრგვალი მაგიდა სახალხო დამცველის რეგიონული დეპარტამენტის აჭარის სამმართველოს უფროსმა, ციალა ქათამიძემ გახსნა. მისი თქმით, შშმ პირების საკითხში გლობალურ ბრობლემად გაეროს კონვენციის შესრულება რჩება. მოცემული კონვენციის იმპლემენტაცია დაეხმარება ქვეყანას, ჰქონდეს სამოქალაქო გეგმა შშმ პირებთან მიმართებაში, რის შედეგადაც იმ პრობლემებზე, რომელზეც საუბრობს ხალხი, ნელ-ნელა სახელმწიფოც დაიწყებს ფიქრს და გარკვეული ნაბიჯებიც გადაიდგმება მოგვარების კუთხით.
„ამ მხრივ სახელმწიფოსთვის მნიშვნელოვანია ინფორმაცია შშმ სტატუსის მქონე პირთა რაოდენობაზე, რათა იცოდეს, რა ტიპის პროგრამები უნდა განახორციელოს, რა სერვისები შესთავაზოს მათ და ზოგადად, როგორ მოახდინოს შშმ პირთა დაცვა,“ – ამბობს ციალა ქათამიძე.
ციალა ქათამიძის თქმით, სამწუხაროდ, დღემდე არ არსებობს მეთოდოლოგია, რომლითაც შესაძლებელი იქნებოდა ადგილობრივ მუნიციპალიტეტსა თუ სხვა ცენტრალურ დონეზე აღრიცხვა მომხდარიყო: „ერთადერთი რამ, რაც მოახდინა სახელმწიფომ საყოველთაო აღწერის ფარგლებში, იყო დასმული კითხვა – არის თუ არა ადამიანი შშმ პირი, თუმცა ამ კითხვაზე პასუხი ადამიანის პირადი თვითშეფასებიდან, და არა სამედიცინო დასკვნით გამომდინარეობდა“, – აღნიშნავს ციალა ქათამიძე.
დისკუსიზე შშმ პირთათვის განათლების ხელმისაწვდომობისა და ხარისხის თემაც განიხილეს, ამის შესახებ ა(ა)იპ-ი „ფანშეტის“ დირექტორმა, ხათუნა ფაღავამ ისაუბრა: „მნიშვნელოვანია, შშმ პირთა საკითხის გათვალისწინებით, ქალაქის ინფრასტრუქტურა და განათლება ერთნაირად განვითარდეს. ასევე აუცილებელია, ყველა იმ რესურსის მომზადება, რომელიც ხელს შეუწყობს საზოგადოების ამ ნაწილის ფუნქციური დამოუკიდებლობის გაზრდას“.
ამ მხრივ მნიშვნელოვან საკითხად შშმ პირთათვის ინკლუზიური გარემოს შექმნა რჩება. ამასთან დაკავშირებით კომენტარი ბათუმის მერიის ინფრასტრუქტურის სამსახურის ხელმძღვანელმა, ედნარ აბულაძემ გააკეთა. მისი თქმით, 2013-2014 წლებში ბათუმში შშმ პირთა საგზაო ადაპტაციის კუთხით გარკვეული ხარვეზები არსებობდა, 2015 წლიდან ამ ხარვეზების აღმოფხვრის მიზნით აქტიური სამუშოები დაიწყო, ხოლო 2017 წელს ყველა დოკუმენტაცია, რომელიც საგზაო სარეაბილიტაციო სამუშაოებს უკავშირდება, მოწესრიგებულია.
ინფრასტრუქტურის სამსახურის უფროსს შეხვედრაზე კონრკეტული ქუჩები დაუსახელეს, სადაც შშმ პირების გადასაადგილებლად შესაბამისი გარემო არ არსებობს.
დისკუსიაზე შშმ პირთა დასაქმების საკითხებზეც ისაუბრეს, აჭარის დასაქმების სააგენტოს დირექტორის, თეიმურაზ კახიძის თქმით, ბათუმში ამჟამად 91 შშმ პირია, ამათგან ბოლო ორი წლის განმავლობაში 55 შშმ პირი დასაქმდა.
დისკუსიაზე შშმ პირთა თვითრეალიზაციის საკითხებიც განეხილეს. დისკუსიის ერთ-ერი მონაწილის, თაზო მჟავანაძის თქმით, ყველაზე დიდი პრობლემად რჩება საზოგადოების ცნობიერების ამღლება შშმ პირთა მიმართ. ამ კუთხით აუცილებელია რაიონებში განვითარდეს საზოგადოების ცნობიერებს ამაღლების სპეციალური პროგრამები.
დისკუსიის დამთავრების შემდეგ მონაწილეებმა ხელი გაეროს 2006 წლის შშმ პირთა უფლებების კონვენციას მოაწერეს, სადაც მათ კონვენციის აღსრულება მოითხოვეს.
