სიახლეები

ახმეტელის თეატრის გასტროლი ხულოში

09.06.2017 • 2784
ახმეტელის თეატრის გასტროლი ხულოში

თბილისის სანდრო ახმეტელის დრამატული თეატრის მსახიობებმა ხულოს დრამატული თეატრის სცენაზე „სტუმარ-მასპინძელი“ ითამაშეს. სპექტაკლში მსახიობები ანდრია გველესიანი, გიორგი ცხადაძე, გიგი მიგრიაული, თინა გვაზავა და გვანცა კანდელაკი მონაწილეობდნენ.

„ეს არის ეროვნულ მოტივებზე აგებული, თანამედროვე თეატრალური ფორმებით გააზრებული დადგმა. რომლის მეშვეობით ქართული ცნობიერების, მენტალობის, ტრადიციების, მსოფლმხედველობისა და ფოლკლორის სინთეზურად წარმოჩენა ხდება. სპექტაკლი მუსიკალურად გაფორმებულია ქართული ტრადიციული მუსიკის მოტივებზე – მსახიობების ცოცხალი ვოკალური შესრულებით. რეჟისორს წარმოდგენაში შემოჰყავს ქორო – რითიც დადგმას, როგორც ვიზუალური, ასევე ესთეტიკური თვალსაზრისით ანტიკური თეატრის სათავეებთან აახლოვებს,“ – ნათქვამია ახმეტელის თეატრის მიერ გავრცელებულ რელიზში.

სპექტაკლის რეჟისორი  ირაკლი გოგიაა, მხატვარი  ლაშა იაშვილი, კოსტიუმების მხატვარი  მარიკა კვაჭაძე, მუსიკალური ხელმძღვანელი კი ზვიად ბერიაშვილი.  „სტუმარ-მასპინძელი“ ხულოში, 6 ივნისს, ხულოს სახელმწიფო დრამატული თეატრის 80 წლის იუბილეს ფარგლებში დაიდგა.

 

xul

სცენა სპექტაკლიდან "სტუმარ-მასპინძელი"

სცენა სპექტაკლიდან “სტუმარ-მასპინძელი”

გადაბეჭდვის წესი


ასევე: